السلام عليكم
هى مش شركة قوى يعنى .. واحد صاحبى اتفق مع صاحبه انهم يعملوا تيشرتات مكتوب عليها اشياء لها قيمة
بطباعة عالية وجودة التيشيرت عالية بسعر رخيص
والسعر هو 35 جنيه للتيشيرت و 7 جنيه للمج
لان فى موضه سيئة منتشرة وهى كلمات قبيحة وايحاءات غير لائقة على التيشيرتات
مثلا:
kiss me
take me
fcuk
والطامة الكبرى ان كان واحد بيصلى بتيشيرت مكتوب عليه:
rock is my religion
اتفضلوا التصميمات يا سادة .. وارجو نشر الفكرة
الجروب على الفايس بوك:
20 comments:
والله قشطة
لأ بجد حلو
انا عاوزة
بس هل ينفع مثلاً اقولهم جملة معينة يكتبوهالي و يعملولي تصميم ليها؟؟؟
يعني مثلاً عاوزة
Islam is an Attitude
و عاوزة على المج بتاعي
I Love Allah
و شوية كلمات بقة
success
و
عاوزة نعكشة
عععععععععععععاوزة واحد علية نعكشة و صورة البت
cryperia
اة ماهي دية اسم الشخصية
استني بقة هروح ادعبس عالجروب
تسلم والله
هوه انت ليك دخل فى الجروب دة؟؟؟
طيب اقولك حاجة
انا ممكن اروجلك ليه
اعملوا بانر ولا حاجة
و احطوا عندي على المدونة
ولما اقابل صحابي اقولهم
لأ قشطة يا باشا
و التصميمات نضيفة أصلاً
مش اقصد
اقصد رقيقة
يلا خير
طيب سؤال رخم
مفيش تي شيرتات بكم
نظراً لإني محجبة
ومش كتير بلبس اتنين تي شيرت فوق بعض
لو فيه يبقى قشطة برضو
عامة هروح ادعبس هناك
بس انا حبيت اشكرك
انا شكرتك؟؟؟
طيب شكرا
تسلم
جزاك الله خيرا
سلام عليك
السلام عليكم
بصى يا بنت الحاج عبد الكريم
:))))
انتى ممكن تساعدينا لو ليكي فى الفوتو شوب
والكلمات اللى انتى قولتيها جميلة جدا
جمل جميلة
و هحاول اعمل تصميمات عليها
عشان احنا بنخطط للصيف القادم
انا بقول احنا مع انى مش معاهم .. بس لانى تبنيت الفكرة .. وهما حتى قالولى هنمسكك توكيل اسماعيلية
:))
لو التيشيرت هيتعمل ليكى مخصوص .. يعنى اكتب عليه نعكشة مثلا هيتكلف فوق 70 جنيه
والمج هيتكلف 25
انما لو هنعمل منه عدد هيتكلف 35 ان شاء الله
استنى استنى.. رايحة الجروب ليه بس.. انتى مش عامة مقاطعة؟
ملحوظة مهمة : انا و لا هما بنكسب اى حاجة من موضوع التيشيرتس ده
بل بالعكس والله .. بنخسر
يعنى انا بخسر مكالمات بس
وهما بيخسروا سفريات و مجهود كبير
بس الهدف اسمى من كدا
وهو نشر الفكرة
متهيألى حضرتك تقدري تروجى ليه بطريقتك اللى انتى عارفاها
ولا انتى عاوزة بانر عامل ازاى يعنى؟
بخصوص التيشيرتات اللى بكم
فهتنزل السنة الجاية ن شاء الله لان التركيز دلوقتى على الصيف بتاع 2010
انما احنا اختلفنا فى يعض النقاط
يعنى هما كانوا عايزين يعملوا تيشرتس بكم عشان البنات من البداية
زائد نهم كانو عاوزين يطبعوا حاجات على شنط حريمي
انا كنت معارض فكرة ان بنات ترتدى مثل تلك الاشياء
حاولى تفهمينى:
لان الاصل ان البنت المسلمة تمشي .. ماتلفتش النظر ليها
يعنى انا احبذ ان البنت تلبس سدال يغطيها .. مش الوان الطيف والكلام ده
ولكن هما قالوا البنت كدا كدا هتلبس تيشيرت.. فبدل ما يكون مكتوب عليه كلمة مش ولا بد
يكون مكتوب عليه كدا
انا مازلت مع فكرتى .. وواحد منهم اقتنع بفكرتى
هما اتنين اساسا بس ..
:)))
تشكريني على ايه بس يا حاجة؟
ده انا اللى عاوز اشكرك لما تنشري الفكرة بين زميلاتك
ولو ليهم اخوات ولاد ياريت يتعاملوا بقى طلاما هما فالقاهرة
اصحاب الفكرة من هندسة القاهرة اساسا
السلام عليكم ورحمة الله وبركاته
ايه الشطاره دى
دا انت بتسمع الكلام على طول وكتبت موضوع جديد
تمااااام
حلوه الفكره دى اوى وخصوصا الكلمات المشجعه بجد بتأثر فى الواحد
بس الواحد لو عاوز يشترى حاجه حيشتريها منين
اه صحيح هو انت كنت عاوز تقولى ايه؟
اكتبو عندك فى تعليق لحد ما اشوف انا فعلا حرجع افتح مدونتى ولا لأ
على فكره نعكشه دى بنوته عسوله وعلى طبيعتها
سلام
أختك توكا
السلام عليكم ورحمه الله وبركاته
فكره حلوة جدا وبتعبر عن هويتنا الاسلامية
بس انا ليا اقتراح وهى ان يكون اغلب التصاميم مكتوبه باللغه العربيه لان هويتنا العربيه اصبحت ممزقه ومحتاجين انا نحس بقيمتها ونعتز بيها
ممكن السوق مايكونش متقبل اوى الفكره فى الوقت الحالى بس ممكن تحطوها على كاقتراح على المستوى البعيد لان اغلب التصاميم الموجوده مكتوبه باللغه الانجليزيه واكيد اى حد عايز يلبس التيشرتات دى عايز يقدم بيها رساله فلازم تكون مفهومه من اغلب الشعب والا مكنش حد لبس تيشيرت زى الى حضرتك قلت عليه بتاع rock is my religion
تانى حاجه عايزه اسأل عليها هيا الاماكن الى هاتكون موجود فيها المنتجات دى بداخل اسماعيليه
لانى من محافظتى الحبيبه الاسماعيلية
وأسفه على الاطاله وجزاكم الله خيرا على نشر الفكرة
يا اختى توووكا
الافكار اللى فعقلى كتير والمواضيع كتير بس النفس
الواحد لو عاوز يشتري بيكلم الارقام اللى موجودة فالجروب فالفايس بوك
ولو مانفعش .. انا تحت امرك
وان كنت افضل تقري فوق رايي فى زي البنات
هو لو لاخوكى ماشي جدا قوى خالص طبعا
مش حاجة مهمة قوى اللى كنت عاوز اقولهالك ..
خلاص .. لو فتحتى المدونة ممكن اقولها
نعكشة
ههههههههههه
كفاية اسمها..ولا البروفايل بتاعها
so simple girl
بس ساعات بيجيلها حالات اكتئاب زيك كدا
وعليكم السلام توكا
روح طفلة
----------
وعليكم السلام ورحمة الله وبركاته
انا كان رايي زى راي حضرتك كدا تمام
وهو اننا نكتب باللغة العربية
ولكن احنا عملنا استفتاء .. الناس بنسبة 88 % او اكتر طلبوا ان التميمات تكون باى انجليش
والسبب ان الشكل كدا هيكون شيك .. ومش هيكون غريب عن اللبس العادى
واحترام لل 12 % اللى طلبوا عربي تم عمل تصميم ( اذكر) مع حذف كلمة الله عشان لو الهدوم دخلت الحمام مثلا
انا طالبت كثيرا بتزويد تصميمات العربي .. ولكن هما قالوا يعنى نعمل عربي ومحدش يشتري
انا كل صحابي محدش فيهم عاجبه العربي
هو فى الاصل التيشيرتس موجودة فى القاهرة .. ومن الحين والاخر بينزلوا الاسكندرية ينزلوا على اد الطلب بس
ولكن اخى وصديقى ده من الاسماعيلية اساسا .. فحضرتك ممكن تكلميه من الارقام اللى موجودة فالجروب
وانا تحت امر حضرتك برضه..لو عجبك تيشيرت ممكن تبلغيني
يلهوي
70
دنا مسكت بنت خالتي تريقة عشان جابت تي شيرت مكتوب عليه rock
قول بكام
ب 200
العالم دي عندها هسهس
لا يا عم
انا فاشلة فشل ذريع فى الفوتو شوب
فلو انتوا عملتوا بانر هسيحلكوا
انا مش مقاطعة اصلاً الفيس بوك
لأ خلاص لما يبقى معايا سيولة نبقى نعمل نعكشة دي
خلينا فى الحاجات التانية
طيب بالنسبة للمكسب و الخسارة
سؤال
هوه التكلفة الفعلية للحاجات كام
و انتوا بتدفعوا كام
طيب فيها اية اما تعملوا فلوس المواصلات يعني
و بعدين لو زودتوا عدد الناس
زي مانت بتقول عاملين توكيل فى اسماعيلية انت يعني
مش هيبقى غالى عليهم انهم يسافروا
لو حضرتك عاوزني اساعد انا موافقة
نظراً لإنى مبعملش اى حاجة فى حياتي
وعندي اجازة اهوه
ممكن انزل اوزع مثلاً
يعني مثلاً اتعامل مع البنات
لو فيه بنات مثلاً
اوصلهم الحاجات بتاعتهم
...........
التي شيرتات اللى بكم
نظراً لإنى مبلبسش اسدال
احتمال البس فساتين او عبايات يعني و دي حالات كدة عقبال ما ربنا يهديني
عامة يعني
فانا بلبس تي شيرتات
قطن
و نادراً ما بلاقي تيشرتات قطن بكم حلوة فى مصر
فهما اللى عندي تلاتةولا اربعة يعني
لو عاملين الرسومات على شنط
يبقى قشطة
بس شنط شكلها اية؟؟؟
انا بجد عاوزة اساعد فى البتاع دة
بس انا فاشلة فى الفوتو شوب
اعمل اية؟؟؟
على فكرة والدي مسموش عبد الكريم
زي مثلا احمد الشاذلي .. معرفش مين احمد الشاذلي
بس عامة
الشاذلي مش اسم ابوة
دة اسم العائلة
بس برضو انفع بنت عبد الكريم نظراً لأني من نسلةه
زي ما بنقول يا بنت آدم
مش موضوعنا
............
طيب انا بقترح اقتراح مثلا
ان التي شيرتات بتاعت البنات
تبقى مثلاً الكلمة مش فى حتت غريبة
يعني مثلاً تبقى زي علامة
nike
كدة
على الجمب قدام من تحت
او على الظهر من فوق
ومتبقاش الوان فظيعة و مشعشعة
ولا اية النظام؟؟؟
............
بالنسبة للمج ابو 25 اتفق ماشي
...........
اعملوا بس بانر و انا اظبكوا فى كل المحافل الدولية
منا بدخل على منتديات يعني
فشهيصكوا عالاخر
ومتسألنيش هل تعرفي معنى كلمة هشهيصكوا
لإنى معرفهاش
و جت كدة على مخي
المهم يعني
...........
بث
آه صحيح
ولا طيبة لوا بطيخ
دة منظر بس
يلا سلام عليك
السلام عليكم و رحمة الله و بركاته
أول زيارة لى فى مدونة حضرتك
جميلة جدا الفكرة دى ، و أتمنى إنها تنتشر بإذن الله
وفقك الله للخير دائما
السلام عليكم
والله تجنن هذة الفكرة تسلم عقولكم
ويارب بالمزيد انشاء الله
اولا انا باشكر نعكوشة انها عرفتني على العقل الجميل ده
ربنا يبارك لكم يارب
ويطرح البركة في الفكرة بتاعتكم دي
ويارب كل افكار الزمن ده
تكون ايجابية حتى لو بسيطة
وانا شايفاها حقيقي مجدية لان الكلام اللي بنتفاجئ بيه على اللبس والادوات
حاجة تكسف
لكن انت بتقولالجروب ع الفايس بوك
مش المفروض اننا عاملين مقاطعة
طيب ليه مش بتقول على جنب اجلو الفايس بوك لبعد المقاطعة
تحياتي
هههههههههههههه
امدح فقط ؟.....ليه؟
انا بحب اقول اللي على مزاجي محدش يقولي اقول ايه حضرتك
تحياتي
كنت فى مول ولاقيت تيشيرت ب 750 جنيه
يعنى لو فاصلت فيه وقدرت انزله ل 400 مش هجيبه
فى مجموعة من الشباب برضه عاملين نفس الفكرة دى
اسمهم ( ن) او نون يعنى
تصميماتهم بسيطة جدا
مثلا 1973
و شك اوتوبيس
والتيشيرت جميل جدا جدا
ولكن عشان هما من الجامعة الامريكية فالتيشيرت ب 120 جنيه
والحمد لله .. رغم ان (خطوة) بدأت بعدهم بشهرين الا ان مبيعات خطوة اكتر
مش مقاطعة الفايس ليه؟..
نسيت اقولك
اى تصميم فيه كلمة
Allah
ممنوع
عشان لو التيشيرت دخل الحمام او اتبهدل او كدا يعنى
بالنسبة للخسارة
زى ما قولتلك احنا هدفنا هو نشر الفكرة رقم راحد
وطبيعي ان اى شركة بتبدأ ممكن تخسر
والنا دى دارسة جامد فى موضوع الماركيتينج والمبيعات
وفهمونى
وانا احب افهمك
لما الواحد يسمع 35 غير 40
التيشيرت تكلفته 35 جنيه او اقل على حسب الكمية اللى بتتعمل فى المصنع بيقل سعر التيشيرت
يعنى لما اتطبع 150 تيشيرت فالبداية كان الواحد متكلف 35
لما يتتطبع 1000 مثلا اكيد السعر هينزل .. ل 25 مثلا
مش عارف قوى ممكن يوصل لكام
التيشيرت بتاع فلسطين اتكلف 40 جنيه .. لان الطباعة قدام وورا .. وكان فى خساير فالحكاية دى .. بس لان الناس اتفقت على 35 يبقى مانرجعش فى كلامنا
بس المهم انت كدا كسبت زبون.. وبعد كدا هو اللى هيجيلك ويقول ايه اخبار تيشيرتات خطوة وتصميماتها الجديدة
عموما .. طالاما انت سعيد بالعمل اللى بتعمله .. اكيد مش هتزعل من المصاريف اللى عاملها طول ما نيتك لله
توكيل ايه بس.. انتى صدقتى .. هى مش شركة بالمعنى اللى فدماغك.. هو بس انا بساعدهم هنا
طبعا طبعا تقدرى تساعدى .. اولا بانك تنشري الفكرة.. ثانيا ممكن تجمعى مع صحابك عدد من التيشيرتس ينول مرة واحدة .. 4 تيشيرتات مثلا
بدل ما نلف على كل واحدة
الكلام فالموضوع ده كتيييييييير
المهم..
حاليا اى طلب هيـتأخر .. لاسباب دراسية معقدة . هندسة و علوم ..ومحدش فاضي يروح مصانع.. والراجل بتاع المصنع نفسه بيتأخر فى كوى و تكييس التيشيرتس
تابــــع
نعكشة
---
اسف .. هكمل بعدين
تأثير الفراشة
----------
وعليكم السلام ورحمة الله
نورت المنتدى فى اول زيارة
بايدك تقدر تخلى الفكرة تنتشر
امين
زهرة الاسلام
----------
وعليكم السلام
جزاكى الله خيرا
امين
فكرة من الزمن ده
-----------------
خلاص بقى المقاطعة خلصت
:))
وربنا يبارك فيكي
وامدح فقط طبعا.. لانك اول ما شوفتى البوست عاملتى كومنت كله مدح
:))
ونا كاتب كدا عشان انا ساعات بألف حاجات بتكون عجبانى جدا .. فاللى بيقول عليها وحشة مش بتفرق معايا
واساسا محدش بيقول وحشة
:)
لأ انا عاوزة Alla على المج
انا مرة كان عندي تي شيرت مكتوب عليه
In God we Trust
or
God's Mercy
مش فاكرة
مكنتش ببقى عارفة اعمل اية لما ادخل الحمام
كل شوية اقلعة و البس واحد تاني
كانت بتبقى مسخرة صراحة
لأ انا عاوزاها على المج
اصل المج بتاعي
مكتوب عليه Allah will never punish the heart in which Quran resides
جاله المج ازبهلال صراحة من كتر ما بستخدمة
وبعدين مش لاقية مجات عجابي فى الجوار
............
لأ منا عارفة حكاية التي شيرتات دية
كل واحد و املاكة
وانا من اسرة على قد حالها يعني
بس عادي
طيب انا هقول للعيال صحابي و نشوف الموقف المحلي للحياة الاجتماعية
المشكلة اني مبشوفش صحابي
ومبكلمهمش عشان احنا اجازة
طيب خير خير
عامة برضو عرض المسعدة قائم لو احتاجتوا لواحدة فاضية
ومش عارفة تعمل اى حاة فى اي حاجة
............
بالنسبة للخسرة انتوا ادرى
..........
خير خير
سلام عليك
خلاااااااص
فينيتو .. الحمد لله وزعنا كله مافضلش غير كمية قليلة
والمج هينزل فى شهر 1 ان شاء الله فى اجازة منتصف العام
وكل عام وانتم بخير
سؤالان
1-عن كيفية التواصل الشخصي
2-عن انتاجكم الشتوي متى وكيف
digitalman
----------
1- التواصل الشخصى بى عن طريق الايميل:
right2lift@hotmail.com
@yahoo.com
اما عن الناس اللى ماسكين اليلة كلها فايميلاتهم موجودة فى الجروب فالفايس بوك
انا مجرد موزع يا سيدى
2-الانتاج الشتوى سيكون بأذن الله بعد سنة .. لان التركيز الان على الانتاج الصيفي ل 2010
عشان ناويين على شغل كبير الصيف القادم بتصميمات كتيير والوان اكثر
انا ممنون لزيارتكم المدونه ومؤازرة الحمله وامل ان تضع شعار الحملة علي مدونتك
اما بخصوص مواليد 87 وما بعدها ممن بلغوا الثامنة عشر فهم يقيدون تلقائيا في الجداول فعليك التوجه الي القسم التابع له ومعك صورة البطاقه الشخصيه وكذلك صورة شهادة الميلاد للحصول علي البطاقه
السلام عليكم
جاري نشر الفكرة الممتازة
بالتوفيق
انا شريكه جديه والافتاح بعدسبوعين عندي االوان معينه مختلفه ولوغو معين وكلام مميز كم الاسعار وكيف اختار وكيف وكيف التعامل وامتى المدة العمل الايميل
sarah_a_72@hotmail.com ,وانا شركه في الرياض
شاكره لك بس حاحبه رقم التلفون والمسؤل للتفاهم
Post a Comment