2.1.11

كيف نختلف في الدين؟



للأسف في ناس بتتعامل مع القضايا الفقهية على انها ماتش كورة .. يارب رأيي انا اللى يكسب
يقول الامام احمد بن حنبل : ما جادلت أحدا ، إلا تمنيت أن يُظهر الله الحق على لسانه دوني !!فأتبعته


هناك رأي والرأي الآخر والاتنين مصدرهم علماء ,, في نفسية غلط بتقول : " انا و النص وبس " الحقيقة المشكلة مش في وجود النص , ولكن في فهم النص . تقوله طيب ما العالم الجليل فلان قال كذا .. والعالم دارس الدين واللغة والبلاغة وانت مادرستش يقول االنص معصوم والعالم مش معصوم فخليني انا مع النص .. وهو مش واخد باله ان قصده : خليني مع فهمي انا للنص
وللأسف بينزل علماء ويكسر في رموز للأمة , ودا كلام عيب و غلط

التعصب في الدين خطير ونهانا الرسول صلى الله عليه وسلم عن الغلو في الدين ودعانا الى الوسطية

علمنا الرسول صلى الله عليه وسلم ان ممكن رأيين فى الدين يكونوا في الظاهر متناقضيين ويكونوا الأتنين صح , زى قصة بني قريظة
والقصة بإختصار هى ان الرسول صلى الله عليه وسلم في غزوة بنى قريظة قال:
(من كان سامعا مطيعا فلا يصلين العصر إلا في بني قريظة )
اهو النص واضح جداً جداً
وبينما الصحابة كانوا في الطريق أذن عليهم العصر , فوقفوا هنا واختلفوا في رأيين:
احدهم بيقول : الرسول عليه السلام كان بيشجعنا ,, ولكم الصلاة في وقتها هى احب الأعمال الى الله ..فاحنا هنصلي العصر هنا
والرأي الأخر : لا الرسول عليه السلام قاصده يقول ان مافيش صلاة الى هناك فاحنا مش هينفع نصلى إلا هناك في بنى قريظة حتى لو كانت صلاة قضاء .
وكل واحد عمل برأيه
أهم نقطة هنا اللى اخد الراي الاول وصلى العصر في وقته ما قالش على الى اخد الرأي الثاني : انت متشدد ومتذمت ومش بتفهم
واللى أخد الرأي التاني ماقالش : يا متسيب كيف تعصى أمر النبي

لا خاااااالص ,, عرفوا انهم يحترموا بعض .. ولما راحوا للنبي صلى الله عليه وسلم أقرهم الاثنين
يعنى كان موافق على فعل الرأي الاول والثاني
يعني هما الاتنين صح

يبقى لما اتنين عالمين مجتهدين بجد وليهم الحق انهم يفسروا كلام النبي عليه الصلاة والسلام
يبقى ممكن جداً الرأيين يكونوا صح
وساعتها يبقى اسمه : اختلاف تنوع
اختلاف العلماء رحمة
ولما تاخد رأي منهم اياك اياك اياك انك تتريأ على اللى اخوك اخد الرأي التاني
طالما أخوك معاه دليل

وعاوزين نبعد عن " عقلية الأصعب "مش علشان انت اخدت الرأي الاصعب وأخوك اخد الرأي الاسهل يبقى انت بالضرورة اللى صح
زي مثلا صلاة القصر في السفر , هل تعلم ان ربنا بيحب اللى بيقصر في السفر وياخد برخصته
قال رسول الله صلى الله عليه وسلم ( إن الله يحب ان تؤتى رخصه كما يكره ان تؤتى معصيته ) رواه احمد
قال صلى الله عليه وسلم (إن الله تعالى يحب أن تؤتى رخصه ، كما يحب أن تؤتىعزائمه) صححه الألباني

وربنا ادانا رخصة اننا نقصر في الصلاة , كما انها سنة عن الرسول صلى الله عليه وسلم
يبقى هنا الأصح هو القصر في الصلاة
واللى أخد الرأي الاسهل وهو القصر ماينفعش نقول له : لا انت كدا بتستعبط
وانت ياللى اخدت الرأي الأسهل اوعى تحس انك بتعمل حاجة غلط طالما معاك دليل
ولكن برضه اللى هيصلي أربع ركعات صح ماننكرش عليه ومانقولش عليه متذمت

ومثال على اختلاف "العلماء" بعض القضايا منها : النقاب واللحية والمعازف والإسبال
وكلها أمور في فروع الفقه وليست أصول الفقه

فلازم نحترم الرأي الاخر ومانسخرش منه ومانهجمهوش

للاسف اختلافنا بيبعد ناس كتير عننا انهم يسمعوا مننا علشان يعرفوا الاسلام

اهم حاجة هي الاخوة فى الاسلام واننا نحترم بعض ونحترم راي الاخر

Kun Min

15.10.10

هذا ما حدث لي داخل مجلس التأديب

مجلس التأديب الذي رأيت


خلفية تاريخية


في شهر مارس 2010 قامت القوات الاسرائيلية بهدم مئات المنازل في القدس لبناء مستوطنات لليهود

وقامت بسرقة الحرم الإبراهيمي ومسجد بلال بن رباح وضمه فى تراثها بما عرف بالإفلاس الحضاري

ووسط سكون عربي .. قامت اسرائيل بفتح كنيس الخراب ملاصقة بالمسجد الأقصي مما يعتبر تدنيس وانتهاك لمقدسات المسلمين

واقتحامات وتهديدات بهدم المسجد الاقصى يوم 16 مارس

فخرج المرابطون فى القدس وتركوا منازلهم ليحموا المسجد الاقصى بأجسادهم فقط

وأعلنت اسرائيل ان عام 2010 هو عام تهويد القدس

ملأ كل المسلمين الغضب ولم يمتص غضبهم زعيم عربي حكيم ولو بالكلام

فالكل كان في خذلان وكأن المسجد الاقصى أثر ومقدس عند فلسطين فقط !! ا

وخرجت المظاهرات فى كل البلدان العربية لمطالبة الحكومات بالتحرك وطرد السفير قدوة بفينزويلا !! ا

وهو خير الجهاد فهو كلمة حق امام سلطان جائر

وفي جامعتى قناة السويس بعد صلاة الظهر

دعا أحد الطلاب بالإنضمام للوقفة والدعاء للمسجد الأقصى

فما كان أمامي الاختيار إلا ان أشراكهم الدعاء و مطالبة الحكومة بالتحرك

وبعد أسبوع وجدت قرار تعسفي صادر ضدى أنى ممنوع من دخول الجامعة لحين عقد مجلس تأديب

ونص الإتهام هو : لأنه شارك لمناصرة الأقصى وقال عبارات تخرج عن الشرعية منها:

ماتش الكورة يقوم دولة , والأقصى إتباع بالمقاولة

وبعد اسبوعين تم عقد مجلس التأديب

فوجدت فى المجلس المستئار القانونى للجامعة , وكاتب فقط

فسألتهم : اومال فين المجلس ده؟؟

قالى : هما جوا انت اتكلم هنا وبعدين روح

قلت: انا مش هتكلم غير امام المجلس

قالى : ما هو دا المجلس

!!!!

فبدأ بالإستجواب : ما ردك على التهمة الموجهة إليك انك

شاركت لمناصرة الأقصى

علقت : يالها من تهمة شنعاء

استكمل المستشار : وقلت عبارات تخرج عن الشرعية منها:

ماتش الكورة يقوم دولة , والأقصى إتباع بالمقاولة

فعلق المستشار : عندكوا حق والله .. البلد قامت عشان الجزاير ومحدش اتكلم عن الاقصى

قولت : اه انا شاركت و"الحمد لله " ا

قالى : لمصلحتك قول انك ما شاركتش

قولت : خلاص ما شارتكش

قالى : إمضي

قولت مش همضى غير ادام المجلس

فدخلنا عند عميد الكلية

فقولت له : انا عملت ايه غلط ؟؟

قالى: انك إخوان

قولت : انا مش إخوان

قال: اومال شاركت معاهم ليه

قولت : انا شاركت لمناصرة الاقصى وكنت أحب ان حضرتك تجيب الدكاترة وتيجوا تنضموا الينا وتشاركونا

قالى : ممنوع

قلت : انا في مجلس التأديب ده غلط

مش انا اللى المفروض انكم تستجوبوني

روحوا استجوبوا الطالب اللى رمى الدكتور بالجزمة

قال : وانت عاوزنا نضيع مستقبل الطالب!؟

قلت : لا طبعااااااااً

بس زي مانتوا مش عاوزين تضيعوا مستقبله .. ليه عاوزين تضيعوا مستقبلي

قال : جايلنا أوامر من الأمن .. بس الكلام ده ماتقولهوش لحد

قلت : طيب وانا بعمل مجلس تأديب ليه طالما الأمن بيتدخل!!؟

قال : إجراء روتيني

قلت : طيب انا مش همضي على المجلس ده

قال: بس انت لو ما ماضيتش هتتفصل

قلت: يعني حضرتك تقدر تمنعني من الفصل ؟؟

قالي : طبعا ان شاء الله .. ده انت ابنى وحابيبي وزي اولادي

فمضيت

بعدها ب 3 أيام صدر القرار بفصلي من الجامعة لمدة شهر

فقابلت العميد: هو مش حضرتك قولتلي انى مش هتفصل

قالى : ياعم كلها شهر .. والموضوع مش فإيدي .. دي أوامر من فوق

!!!!!!!!

المهم ان التيرم ده كان أجمل تيرم مر عليا رغم الإحساس المرير بالظلم.. وأنجزت فيه حاجات كان نفسي اعملها من سنة أولى .. وجبت فيه اعلى تقدير في السنوات كلها


Kun Min

6.1.10

قالوا عنى غريب لأنى

"انت عليك حاجات غريبة "
جملة كثيرا ما قيلت لى

وكنت كتبت لاحقا :

(انا غريب !!؟ اذا انا عادي __ لأن الغريب هو انك تكون عادي)


وتسائل البعض عن معناها .. !!

كل ما أقصده هنا ان الاسلام طلب منك ان تكون غير عادى .. مش مجرد انسان تاكل وتشرب وتنام
لان دى صفات مخلوقات اخرى
فشئ غريب على الاسلام ان الواحد يكون عادى

لماذا قالوا عنى انى غريب؟

قالوا عنى غريب لأنى

برغم استماعى الى
Outladnish , sami yusuf
الا انى لا استمع ولا احب سماع اغانى اليسا او عمرو دياب او تامر حسنى

-------

قالوا عنى غريب لأنى

فى مشكلة الجزائر الاخيرة .. قلت ان دى لعبة من الاعلام لالهاء الناس عن بلاوى الحكومة وفشلها فى التعامل مع انفلونزا الخنازير
و ليظهر اولاد مبارك فى دور الوطنيين الرجالة
مع ان مباريات الاهلى والاسماعيلي ملياانة شغب .. ولكن الاعلام بيرصد ما يريد

ولانى تعجبت من اللى هيشجع امريكا وانجلترا اللى احتلوا العراق .. ضد الجزائر المسلمة !!
------------------

قالوا عنى غريب لأنى

رافض انى اتصاحب على واحدة .. ونكون اصدقاء
ولو صداقة بريئة
لانى مؤمن انها ممكن تسلب من عواطفى ولو القليل

----------------
قالوا عنى غريب لأنى

فضلت انتمائي للاسلام .. على انتمائى لمصر
بمعنى ان لو مصر قالت نجوع غزة بحجة الامن القومى على حساب الاسلام
اذا ارفض القرار المصري.
ولانى قلت يا سلام ولو يكون هناك فتح اسلامى جديد لمصر

-----------
قالوا عنى غريب
فطوبى للغرباء

Kun Min

17.12.09

Collection to my Status on facebook


بعض الاستاتس من الفايس بوك

وابدأ باخر واحد اللى عمل ضرب نار :

فكرة " العذرية " سواء للفتاة او الرجل ممكن ماتكونش فالجسد فقط.. وانما فى العاطفة ايضا

----------------------------------

ان الواحد يكون مشغول ده احساس جميل .. لكن المشكلة هى انه مايكونش عارف مشغول بايه

-------------------------------------

منذ أن وطئت أقدام المحتل الامريكي الغاشم أرض العراق الحبيب وألى يومنا هذا سالت دماء غزيرة روت ارض العراق .. ومع ذلك هناك من يتمنى فوز امريكا على الجزائر المسلمة

--------------------------------------

مصر متظلمتش احنا خسرنا فى الملعب

--------------------------------------

اوباما يصدر قانون صادر من البنتاجون من يرجم ابليس الملعون يصبح عدو للنازية

----------------------------------------

عدوى اسرائيلي

---------------------------------------

لو الاعلام مايضخمش الامور العملية هتمشي .. نحن شعب هش.. يسهل شحنه.. وتوجيهه ..

---------------------------------------

لازم نوحد الصفوف الصفات .. ونيدروا الصفقات بالصدق والصدقات..ونكتروا الصلات بالعلم والصلوات

---------------------------------------

حمص مالعبش .. ازاى نكسب الجزاير :P

-----------------------------------------

كالعادة .. عندما نفرح نرقص ونغنى .. ولكن من شكر الله؟

-------------------------------------------

خلى يقولوا .. خليى يزيدوا خلى يهدروا شي ما يضيروا.. ضلوا اهدروا .. ضلوا اهدرو ..خلى قولوا

--------------------------------------------

بالروح .. بالجسد هب فتاك .. لب نداك فى فمى و فى يدى هواك ثار نور ونار

--------------------------------------------

nobody is perfect ..... All needs to respect .. Kun Min

---------------------------------------------

من الجكمة .. عدم التحدث بصوت عالى وهمجى

-------------------------------------------

ليست السعادة فى الضحكات الصاخبة ... وانما هو شعور مكانه القلب يرسله للروح

-------------------------------------------

مش فاهم ايه العيب فى انك تفكر تحكم عشان تغير البلد للاحسن

--------------------------------------------

واحدة اصغر منى والتانية اكبر ان شاء الله

-----------------------------------------------

ما بتعود ديارنا .. ما بيغسل عارنا .. الا الدم والاحجار

--------------------------------------------------

انا بشعر انى فلسطيني أكتر من كونى مصري ..رغم عدم وجود تاصيل عرقى لى هناك ولكنى لا اعتبر هذا عيبا

--------------------------------------------------

انا من راي ان المصالحة الفلسطينية مع هؤلاء الخونة ماينفعش .. لازم بترهم

والمقصود هنا بحرجة فتح
---------------------------------------------------

tear streams down ur face .. when u lose somethin' u can'y replace

---------------------------------------------------

الله عز وجل بيصعب المعصية على عبده القريب منه.. ولكن ان اصر عليها العبد بيسهلهاله ..بل وممكن يستدرجه

----------------------------------------------------

من باب انهى نفسك عن الحلال ليبعد عنك الحرام ,, قررت ماقعدش نت اسبوع .. .. وَأَمَّا مَنْ خَافَ مَقَامَ رَبِّهِ وَنَهَى النَّفْسَ عَنِ الْهَوَى

-------------------------------------------------------

رجال الاسماعيلية معلمين على قفا ايطاليا .. مرة حمص ومرتين بوجى

-----------------------------------------------------

if u never failed ,, u've never lived

---------------------------------------------------

اذا الشعب المصري اراد الحياة .. فلا حياة لمن تنادى

-------------------------------------------------

الحل في القنبلة النووية... تسفلت البلد دي ونبتدي من الاول علي نضافة

-----------------------------------------------

( الساعي على الأرملة والمسكين كالمجاهد في سبيل الله أو القائم الليل الصائم النهار )

-------------------------------------------------

ثلاجة فارغة . خير من ثلاجة بها طعام فاسد

-------------------------------------------------

حب الاسماعيلي واجب على كل من تربي في الاسماعيلية "باريس الشرق " سابقا

------------------------------------------------

الانسان ,,يستطيع ان يكون اقل من الحيوان.. أو ارقى من الملائكة

------------------------------------------------

نحن مقصرين بحق الدعوة للغرب.. منهم الكثير لا يعلمون شيئا عن الاسلام

----------------------------------------------

Fight may be day.. run may be day bardo, de 7aga bta3t rabna

---------------------------------------------

Will the poor man ever hit the jackpot? ,, or will the rich man always rob him for what he is got?

------------------------------------------------

اللهم يسر كل عسير .. فتيسير العسير عليك يسير

--------------------------------------------------

IDeas never Dies

------------------------------------------------

اذا لم يكن هدفك من الزواج بناء اسرة , فلا تقدم على هذه الخطوة

-----------------------------------------------

المؤمن اذا دعيتله بالهداية يقولك امين .. والغير متدين يقوللك ربنا يهديك انت ياخويا

-----------------------------------------------

هنفضل لامتى عايشين بقوانين الغابة ,, البقاء للاقوى على حساب الناس الغلابة

-----------------------------------------------

ما سمى الانسان الا لنسيه.. فاصفح , فاول ناس ٍ اول الناسِ

-----------------------------------------------

تقدر تقول ثورجى.. ماتقولش عليا همجى

--------------------------------------------------

اكره المعصية ... و لا تكره العاصي .. وادعى له بالهدايه

----------------------------------------------------

كل من اهمل ذاتيته,, فهو اولى الناس قرا بالفناء . لن يرى فالدهر قوميته,, كل من قلد عيش الغرباء

-----------------------------------------------------

ماذا تعلم عن : "عبد الله بن ياسين" رحمه الله؟

-----------------------------------------------------

ســــبحانــــــــك ,, مـــا عــــبدناك حـــق عــبادتك

------------------------------------------------------

البيخيل بخيل ولو معاه مليون جنيه ,, والنزيه نزيه ولو ماعهوش غير جنيه

------------------------------------------------------

بطولة بشرف.. خير من صندوق بطولات به بطولة بدون شرف

--------------------------------------------------------

Je combats le diable mais je ne me suis jamais combattu

------------------------------------------------------

m eyes bleebdin' cuz ma heart is crying

-----------------------------------------------------

الواسطة دى جامدة مووووووووووووووووووووت

---------------------------------------------------

مشوار طويل رايح اسوان هتعب لكن تستاهل ..اهل النوبة والسياحة والطبيعة على السواحل

------------------------------------------------------

حبك مثل المخدرات..فاما ان تبقى بجانبى دوما ..او علميني كيف اكرهك

----------------------------------------------------------






Kun Min

24.10.09

۞ شركة جديدة ,هدفها : أناقة بصبغة اسلامية ۞

السلام عليكم

هى مش شركة قوى يعنى .. واحد صاحبى اتفق مع صاحبه انهم يعملوا تيشرتات مكتوب عليها اشياء لها قيمة
بطباعة عالية وجودة التيشيرت عالية بسعر رخيص
والسعر هو 35 جنيه للتيشيرت و 7 جنيه للمج
لان فى موضه سيئة منتشرة وهى كلمات قبيحة وايحاءات غير لائقة على التيشيرتات
مثلا:
kiss me
take me
fcuk
والطامة الكبرى ان كان واحد بيصلى بتيشيرت مكتوب عليه:
rock is my religion

اتفضلوا التصميمات يا سادة .. وارجو نشر الفكرة















الجروب على الفايس بوك:

5.8.09

حـــاجـــا ت

العين بالعين و السن بالسن
.. ليست معناها ان نقتل اطفال الامريكان لانهم يقتلون اطفالنا.. بل نقتل الجيش الذي يقتل اطفالنا
_______________________________________________________________
هل مهر الفتاة يعبر عن قيمتها؟
--
لا بالطبع فالمرأة ليست جماد يباع ويشترى ولكن المهر يعبر عن الحالة المادية للرجل ونتذكر الصحابى الذي قدم خاتم من حديد كمهر لها وتلك الصحابية قيمتها تعلو الكثير عند الله عز وجل
____________________________________________________________
نصيحتى لشاب اعجب بفتاة على السكايب

فالبداية انت لم تر الفتاة .. اسمح لى ان اخبرك بانها كانت ذميمة الشكل وليست جميلة على الاطلاق لانها لو جميلة .. ما بحثت عن فتاها عبر النت وكانت ستجده بسهولة
ثانيا
ليس معنى ان كلامها جميل بان شخصيتها كما تتخيلها فالكلام سهل جدا.. الشخصية بتظهر فى المواقف الصعبة
ثالثا و الاهم
انت لم تحبها نعم لم تحبها ولكن هو مجرد اعجاب او مجرد ارادة فى داخلك تريد الشعور كما يشعر الشباب الذين يتعلقون بقتاه لانط لم تعتاد على ان يهتم بك فتاة
رابعا يا اخى.
. اجعل حبك لله فقد قال تعالى { قل إن كان آباؤكم وأبناؤكم وإخوانكم وأزواجكم وعشيرتكم وأموال اقترفتموها وتجارة تخشون كسادها ومساكن ترضونها أحب إليكم من الله ورسوله وجهاد في سبيله فتربصوا حتى يأتي الله بأمره والله لا يهدي القوم الفاسقين ) وتذكر ان القس امر الصليبين بدخول الاندلس عندما وجد شاب يبكى لفراق فتاته
Kun Min

20.7.09

مــــسـئول .. مخلص .. ارهابى

السلام عليكم
الكلام اللى جاي كله ارتجالى.. مش محضر حاجة اقولها
=========
دايما بحس انى مسئول عن اى كارثة او مشكلة بتحصل.. انا ماعرفش ده عيب ولا ميزة
ممكن عيب لانها بتخليني فى حالة نفسية وحشة
وممكن ميزة لانى خلقت لكى اعمر الارض
ف اي مشكلة بحاول اصلحها

====================

اتفرجت مرة فاليوتيوب على اغتيال الامام الشيهد باذن الله " حسن البنا" وتمنيت انى اكون مثله
عجبنى لان شخص واحد حمل فكرة .. وقدر ينشرها بمجهوده وتخطيطه واخلاصه لله لكل الناس .. لدرجة انه كان بيتحدث مع الامم المتحدة
وبصراحة شديدة.. انا تمنيت اكون مثله عشان الشهرة ويقال عنى كذا وكذا
ومكنتش مخلص لله خالص عشان كدا فشلت..
و يمكن انا ماحولتش اصلا

===================

من قريب جدا اتفرجت على فيلم
BraveHeart
عجبنى الفيلم طبعا..ولكن جاتلى خاطرة
ازاي وليام واللاس عملوا منه بطل .. والشيخ القعيد احمد يس عملوا منه ارهابى!!؟

====================

ممكن تقول عليا ثورجى,, ماتقلش عليا همجى

Kun Min

11.6.09

BATTELs Never Dies

4.6.09

موضوع طوييييييييل .. عاوز كوباية شاي

السلام عليكم
انا كنت ناوى انقل الموضوع.. ولكن حسيت انه مش هيكون منظم كما هو من الاصل:
بصراحة الموضوع ده غير تفكيري لمدة طويلة..
بس انا رجعت ابوظ تانى
ربنا يهدينى
الموضوع طويل لكن يستاهل بجد