دمعي اقدر امنعه..لكن قلبي مين يسمعه؟

يوم مش مظبوط خالص

السلام عليكم
والله مش عارف ابدأ منين ولا اقول ايه,,بجد والله متأثر جدا اول ما سمعت خبر وفاه محمود

مين محمود؟؟

انا زيك معرفهوش..بس يكفي انه مسلم..نشوف قصته ايه

ده من كبير مشجعي الزمالك.. قريب من سني 21 سنة جاله المرض الخبيث فالمخ من 3 شهور

تكاتفوا صحابه( اللي هما صحابي) وقدروا يوصلوا لمبلغ معين لعلاجه..وبعدين لما سمعت ان ممدوح عباس هيهتم بيه ولعيبه الزمالك وكده فرحت اوى
ولما عرفت ان الجلسات بتنجح وكله تمام ولكن بعد انتهاء الفلوس بتاعه ممدوح المستشفى رجعت الولد تانى لطنطا عشان الفلوس!! مش مهم عندهم روح بنى ادم المهم ام الفلوس !! مفيش فلوس يبقى ارجع ع بلدك ان شاء الله تموت ولا تتحرق مفيش فلوس يبقى انت مش مهم
الكل ملانا بالوعود وهنرعى محمود والى قالك ممدوح قال كده عشان الانتخابات ومرتضى يقولك خلى ابوه يجيلى مكتبى وهتصرف!!

والى اسمه شوبير ده مش هو عضو مجلس شعب ع دايره طنطا يعنى يهمه مصلحه اهل طنطا ولازم يرعى مصالحهم وعنده مكتب هناك
صح ولا انا مجنون ولا ايه !! حوار محمود معروف للجميع وف كل القنوات اتقال ليه ياعم شوبير متحركتش ومهتمتش باللاعب!!وانت الى عامل فيها ملاك ومش بتغلط !!

بجد حسبى الله ونعم الوكيل ف الناس دى كلها حسبى الله ونعم الوكيل فيهم مليون مره!!

اكيد طبعا ولا شوبير ولا اي حد كان يقدر يقدم او يأخر في عمر محمود..ولكن ناخد بالاسباب

ولما اسلام (صاحبنا) ادى الفلوس لوالدته حسيت بفرحه جامده اوى فى عيونها وبجد الست ماشاء الله عليها راضيه بالامر
ومنساش دمعتها لما كان اسلام بيديها الفلوس وفرحتها بينا وان فيه شباب زى محمود عايزين يزوروه ويطمنه عليه ويبتبرعوله عشان يخف!!
بجد كان منظر مؤثر اوى !! ليه الناس دى تزعل وقلوبها تتحرق ع ابنها ليه يعنى

و والده ريحني لما قال "الحمد لله الحمد لله الحمد لله..انا مقصرتش معاه في حاجة" بصراحة فرحت عشان الاب راضي

ع العموم دول كانه كلمتين ف قلبى وقلت افضفض:(

معلش تاني لو كلامي فيه نرفزة
-----------------------------------------------------

والايام دي كمان بتفكرني بالهندسة اللي راحت مني

واختى جابت اعلى مني الحمد لله.. راضي والله

-----------------------------

ده غير الزلزال اللى كان فالقاهرة بقوة 6.3 ريختر..وبيقوله اكيد ليه توابع شديدة

يارب صبرني

----------------------------------

اعتذار لبوست الاحتلال المصري لمصر بعد اللي شفته امبارح على النت من المصريين من كل حتة في مصر

كله كان بيتسابق عشان يخدم الناس ويجيبلهم النتيجة..لان هما عندهم دايل اب..وانا عندي دي اس ال

وكمان اللي عايز يروح القاهرة عشان يبوظ..هيبوظ

واللي عايز يروح يستفيد ..هيستفيد

فانا مرة رحت القاهرة عشان اكون مع امي في محاضرة واحدة فالجمعية الشرعية..ولاقيت ناس من الشرقية والمنصورة والسويس وكل المحافظات عشان يحضروا محاضرة واحدة 4 ساعات

واصلا الفكرة كانت مكونة عندي مسبقا..ان كل مكان فيه الحلو وفيه الوحش