بعد ما اتغديت ... نزلت من البيت
عديت على صاحبي الانتيم.. قلتله يالا نروح الجيم
قالي لا انا نازل مصر.. قلتله قشطة خدني معاك
طب روح اجهز ياللا مش هفضل اكلمك مالشباك
جهزت وعديت عليه. قلتله قوللي هنعمل ايه
قاللي هنروح نتمشي .. ونرجع بعد منتعشي
اخدا سوبر جيت و اول مانزلنا القاهرة
سألت نفسي " لماذا الألف مائذنة غير ظاهرة؟"
منظر ماخدتش عليه عينية .. غير اللي بيحصل فاسماعلية
زي ماكون نازل البندر.. شباب بياكل لبان والبنات مشاية تتغندر
زحمة وناس كتيرة بيقلدوا الارانب.. وشحاتين سهل تلاقيهم في اي جانب
مع كل خطوة باخدها.. ضربة فقلبي بمطوة باخدها
مش عارف امشي براحتي .. حاطط ايدي على محفظتي
عايزين مكان نقعد فيه.. قعدنا في اقرب كافيه
بنات بيشدوا فشيشة . وشباب معاهم حتة حشيشة
وشحات نايم على خيشة.. مش عارف ازاي طايقين دي عيشة
كل مادور راسي.. في كل حتة بلاقي معاصي
مصر محتلاها الغرب.. من غير سلاح ولا حرب
التظبيط كله للسياح.. واحنا لينا الضرب
عايش غريب جوه ارضي.. عايش لكني مش مرضي
مش هعيش مذلول .. الوضع ده مش هيطول
لما استريحنا فالكافيه خرجنا قبل ما يهجم علينا الليل
كلمت صاحبي قاللي تعالولي على عزبة النخيل
حتة تقرف البلاعة طفحت فمشينا روحنا النيل
طلعنا مركب فيه رقص هلس ودانس
وشباب وبنات معاهم مزكرات شكلهم قالبين مالدرس
كان فيه جنبنا فندق هيلتون رمسيس
عملت نفسي عربي ودخلت بشكل خبيث
معرفناش ندخل سوى
المهم دخلت لوحدي عشان اعرف ايه المحتوى
انزهلت من المستوى
المشكلةاللي ضايقتني كانت في اختلاف الطبقات
هنا بناموا على ريش نعام.. والناس بره عالبلاط
والستات العرب كانوا قالعين النقاب
وجوزها الترب جنبها على وشه ابتسامة الغراب
سمعت هيصة وتهييص وزعيق رحت اشوف في ايه
لاقيت تامر شعر الصدر والبنات بيبوسوا ايديه
ده غير اللي مغمى عليه وواقعين تحت رجليه
مصر محتلاها الغرب.. من غير سلاح ولا حرب
التظبيط كله للسياح.. واحنا لينا الضرب
عايش غريب جوه ارضي.. عايش لكني مش مرضي
مش هعيش مذلول .. الوضع ده مش هيطول
خرجت بسرعة لاقيت صحابي جايبين كشري بالدقة
صاحبي قال انتوا لازم تباتوا عندي فالشقة
واحنا مروحين لاقيت بنتينهناك شكلهم مستنين
لو واحد طالع من بار و كيسة سودة فيها ازازتين
واما روحنا الشقة عنده ادن علينا الفجر
روحت عشان اصلي واخد في يومي اي اجر
رحت صليت لوحدي
محدش فالجامع دخل بعدي
فعلا بلد الالف مائذنة.. عالحال ده بقالهم كام سنة
الحمد لله اللي خلاني اتربي واعيش هنا
وانا مروح الناس فالمترو مابتعملش اي اعتبار
لازم تفكر في اي خطوة قبل ماتاخد اي قرار
واما روحت البيت سألت نفسي سؤال
الشعب ولا الحكومة السبب في سوء الاحوال
معلش لو كلامي فيه دبش بدل ماعقلي يربطه الكلبش
معلش لو كلامي جارح.. لاكن انا كان عقلي سارح
بفكر في اجابة السؤال ياريت يا قاهري تسامح
الموضوع بيعبر عن الطائفة الغالبة فقط... اكيد في ناس كويسين لكني بذكر السبب اللى خلاني اخد فكرة وحشة عن القاهرة ومش كل الكلام حصل حقيقي.. لكن معظمه
14 comments:
للأسف هذا هو الواقع
علي فكرة
ممكن تلاقي الاختلاف دة في القاهرة علي صغير
اوضحلك
بالنسبة لجامعة عين شمس
المنطقة اللي كل الناس متجمعة فيها
اللي هما الجامعات اللي حواليين قصر الزعفران و الجامعات التانية اللي قدامها
اللي هوه تجمع الجامعات
بتلاقي فيه مناظر
ربنا يعافينا
بنات بيضربوا ولاد وولاد بيجروا ورا بنات و اللي ماسك ايدها
واللي مش عارفة لابسة إية و حاجات عجب يعني
لو روحت بقة لكلية طب أو هندسة دول مفصولين تماماً عن منطقة الجامعات واحدة
وكل كلية ليها الحيز الخاص بيها
هتلقي اختلاف
مش هتلاقي الناس كدة
ولا الضرب
ولا الاساليب الغريبة
أنا بحمد ربي ميت مرة إني مفصوله عن الجامعات
ومن هنا يتضح سؤال
لييييييييييييييييييييية
الحتت اللي متفرقة مفيهاش اللي في الحتةا لمتجمعة
يعني ليييييييييية
المحافظات
مفيهاش القرف اللي في القاهرة
معرفش
بالنسبة لحكاية صلاة الفجر
إذا كنت بنفسي بشوف ولاد بينزلوا يوم الجمعة من بيتهم بعد ما الراجل يخلص خطبة الجمعة و يبدأ الصلاة
وفيه اللي بيروح و هما بيسلموا
هيصلوا الفجر بتاع إية
بس اعرف ناس كتير بتصلي الفجر برضو
معرفش صراحة حال البلد جميل كدة ليه
إنحلال اخلاقي جماعي متفشي
و معاه قله حياء عشان بيجاهرو بالحاجات اللي بيعملوها
دمت سالماً
سلامون عليك
نعكشة
-----
انتي وقفة ورا باب المدونة ولا ايه؟؟
انتي متأكده انك قريتي البوست كله؟؟
منا عارف اللي بيحصل ف جامعة عين شمي.. رحت ازور واحد فالالسن بس كنا فرمضان.. والناس هناك ولا الطراوة .. ولا يعرفوا رمضان من حسين
اجابة السؤال:
انا لو مع ناس بتصلي وكلهم محترمين مش هقدر اعمل حاجة غلط..
انا لو مع ناس ضايعين وحياتهم بايظة اعمل اللي انا عايزه ومحدش يقدر يمنعني او يضايقني حتى
بس انا كنت بحاول اخف الضغط من على الحكومة.. فهي سبب رئيسي ولي الوحيد فاللي بيحصل ده
دمتي سالم
بالمناسبة في ليك واجب عندي روح اعملوا
...........
انت متعرفش إني بقف ورا لاابواب و ألمع اكر ولا إية
عامتاً
آة قريبته
ماهي الحكومة يا بشمهندس ( هما اللي في كليه علوم بيقولولهم إيه)
المهم الحكومة ناس مننا
هيا احنا
يعني هما هيجيبوا ناس من المرييخ
ماهو احنا
احنا اللي حصلنا انحلال اخلاقي
ربنا يعافينا منه
احنا = بعضنا وليس كلنا
اني وايز
ربنا يستر علينا
دمت سالم
يوووووووووووه
واجب
اخر واجب حليتو كان في 3 اعدادي
-----------------------
باش مهندز !!
كان العشم والله اني اكون فهندسة القاهرة .. بس منها لله الاقتصاد والاحصاء
المهم:
احسن كلمة هي:
احنا = بعضنا وليس كلنا
شكلك فاهم يا نصة
دبشتتتتتتتى
انت هنا فى القاهرة وانا روحت التلات والاربعاء فى الاسماعيليه
وكنت بدور عليك
على فكرة انا بجد بعشق الاسماعليه لما احب اهرب من دوشه القاهرة بروح عندكم كلها ساعه ببطوط من عند البيت عندى لاول شارع البلاجات بالظبط
المهم يا دبشه بقى بما انك اتكلمت عن القاهرة وانا معاك ان فيه ده
عاوزة اقولك لعى بلاوى زرقا زعلتنى من الاسماعيليه اولا انا قولت انا وصحبتى نخرج وبعدين نروح سينما بالليل
رحت عن السينما طبعا عندكم نسبه محجبات كتيررررررررررر ما شاء الله
بس ايه حدث ولا حرررررررررررررج
حجاب ملوش لازمه بجد يا دبشه متزعلش منى انا عندى يشيلوا الطرحه احسن او يغلسوا شعرهم بدل ما بيعملوا كده
لبس بلصابونه والله بجد الله يحرق كارينا على اللى اخترعها
وبنطلونات ليجين وبارلرينا
والادهى انى اشوف واحده لابسه اسكيرت قصيره لعى بووووت ايه يا جدعان الصيف دخل وبجد شوقت مسخره كتير فى النورس اوقل ولا اسكت هااااااااا واوعى تقول دول ناس بتصيف لا يا دبشتى دول من اهل الاسماعليه بجد انا زعات انا اه انت عارف انى مش محجبه بس بجد مش بحس ان حد بيبص ليه زى المحجبه الحجاب المايع ده ولا دول نسميهم ايه بما انك لسانك فالت زى بجد زعلت
وفيه منقبات حلوين قوى وكتيررررررررررررر فى الاسماعيليه بس فيهم يا دبشه بيعملوا حاجات وحشه فى الشارع وانت عارف عند الجناين اللى بتودى على معديه 6 عارفها طبعا
ورحت جبل مريم والقريه الاولومبيه بعد ما اونكل الظابط مكنش راضى يدينى تصريح لان ممنوع ستات تسوق على القتاه ليه يا دبشه صحيح
انا رحت بالليل انا وصحبتى بس بعد ما قولت للظابط انا اول مرة اشوفها فسيبنى بجد قالى خلاص وبصراحه خوفت الدنيا ضلمه جدا بس القانه حلوة قوى يا بختكم بيها
ورجعت ادلدل خبتى للظابط واوقله مين قالكم ادوا تصريح اصلا للستات انا غلطانه لانى بخاف من الضلمه قعد يضحك
فى النهايه يا دبشتى كل مكان فيه السئ والحلو
بس والله مش بقولك كده بعايرك ابدا وانت عارف انى بموت فى الاسماعليه والله بس بوريك ان كل مكان فى الدنيا فيه الحلو والوحش بس الظاهر ان الوحش هو اللى طغى يا دبشتى
بقولك ريموت الام بى ثرى بتاعى وقع منى فى شارع سعد زغلول وانا نازله من العربيهابقى روح دور عليه ههههههههههه
المرة الجايه نفسى اقابل مدونين الاسماعليه
باى بقى اصلى رغيت كتيررررررررررررررر
ربنا يعفينا فعلا العرب بقى حالهم غريب ...
ربنا ينتشينا من تلك الفاجعة
السلام عليكم ورحمة الله وبركاته
اهلا اهلا
ايوه الناس اللى مقضياها بالطول والعرض
اسبوع رمانه ودلوقتى القاهره
ماشيه معاك يا عم
ماشى
انت محسسنى يا أدم انو الاسماعيليه مفهاش الكلام دا
هو صحيح اقل من القاهره بس بردو فى الكلام اللى بتقولو
الواحد لما بيخرج بقه بيتحرق دمو سواء من الولاد ولا البنات
ااااااااااه
احنا محتلين فعلا كفايه انو احنا بنشحت الدوا والأكل من الدول التانيه
لا وبنصدر لأسرائيل الغاز بالرخيص ونستوردو لنفسنا بالغالى
شوفت غباء واحتلال اكتر من كده
وهما نجحو انو يخلو عقل شباب مصر لا والوطن العربى كلو هايف
انا حزينه والله من اللى وصلنالو
يارب ماديم الحال على كده
واستخدمنا لرضاك
أختك توكا
merci gedan da sharaf keber eny aktob fel blog beta3ak.. gamel awi walahy 7aga tefara7 gedan yekoun lesa fe shabab zayak elly west elta7ouna beta3t el 3asr da weli khadet shabab keter lesa el hamdlelah fe gond elkher wakhden balhom .
begad ana atamanalak kol el tawfe9 we khali balak kelma wa7da bas mmken teghayar keter matebkhalsh 3alena .
je vous souhaite bonne contnuation
appy
----
تؤتؤ
الموضوع ده من سنتين كده.. ودلوقتي القاهرة باظت اكتر
هههههههههه لبس بالصابونة..اخخخخخخ
انا محتار انهو الاحسن.للمحجبة اللى بتتغندر
تقلعه وتبعد الشبهة عن الحجاب؟؟
ولا نقول دي محجبة وخلاص
(انتي لسه بتعلقى فالبوست الجديد وانا برد عليكي اهو)
نسميهم ايـــــه ؟؟ لا انا لساني فالت بس مايطلعش منه العيب
- طيب وانتي ايه وداكي سعد زغلول؟؟ يبقى عليه العوض فالرموت ..
تقابلي المدونين ؟؟ طيب وماله ...وياريت تتصوروا عشان اشوف صوركم.(اصلي مبعتبرش نفسي مدون مفيد.. انا
Kun Min
يعني انا وبس
ولا رغيتي كتير ولا حاجة.. سلام يا بتناجان
توووكا
------
مبروك الانفتاح
مقضيها!! والله انتي مش عارفة اللي فيها
المهم ..انا عارف ان هنا في حجات وحشة برضه... بس مش واضحة ولا بالعدد اللي فالقاهرة
الواحد لما بيخرج بقه بيتحرق دمو سواء من الولاد ولا البنات
......
عشان كده انا بخرج يادوب على قد الكورس بس
بلاش نعقد نفسنا...ايوة الشباب هايف
ايوة مصر بايظة
بس في امل
..نورتي
سلام
5o5a
--------
le francais ..ya3ni Moroc ya3ny 5o5a.. caoment ca va ?..je vous souhaite d'etre en bonne sante .. sharf mdrrrrr.. el sharaf da lea enk toktoby dans mon blog
el ta7ona de daya3tny 2bl kda..bs ana dlo2ty fo2t showya..
ana ab5al 3aleko??? ezay bs..
etes-vous toujours dans mon esprit
merci car tu 2olty eny mn gond el5eer
يارب اكون بكتب كلام مفهوم..اصله عربي على فرنساوي
واما روحت البيت سألت نفسي سؤال
الشعب ولا الحكومة السبب في سوء الاحوال
معلش لو كلامي فيه دبش بدل ماعقلي يربطه الكلبش
معلش لو كلامي جارح.. لاكن انا كان عقلي سارح
بفكر في اجابة السؤال ياريت يا قاهري تسامح
بجد بجد بجد بجد جميلة جداً جداًَ جداً
وأي نعم انا من القاهره بس انا موافقاك علي كل كلمة
كنت نسيت اقولك ان عجبتني اووووووووي
افكر فعقلي بتزعقلي
maryooom
لازم طبعا تكونوا موافقني في اي حاجة انا بقولها..
بس انا بقة مش موافق
ولازم يعجبك اسم المدونة...سيبيه مكانه بقة ومتاخديهوش معاكي
نورتي
سللام
Post a Comment