الحمد لله
رجعت سليم من رمانه
وكانت اصاباتي قليلة من لسعات القنديل
كثيرة من البعوض (اكثر المستفادين من الرحلة ) .. فقد استمتع بدماء 8 اشخاص من كل الفصائل
وكما يقال : للسفر 7 فوائد
فقد استفدت انني استطيع العيش معتدما على نفسي
اكل .. طبخ... شرب... غسيل هدوم .. غسيل مواعين ..
مكنتش بعرف اعمل السلطة بس كنت بعمل اي حاجة تانية
فالاكل ده ايه غير: هوربوربر فالزيت .. ورز .. و تونة وسمك فالزيت
والفطار والعشا بيض فالزيت وفول بالزيت وحلاوة وجبنة وبطاطس فالزيت
والمواعين كانت بريل في سفنجة و دن دن دن دن خلصت المواعين
والشاليه كان بالمقشة ودن دن دن مع شوية مياه وطش طش ونضف الشاليه
المشكلة كانت ان الفطار : قبل العصر بربع ساعة
والغدا بعد صلاة العشا
والعشا قبل او بعد الفجر
المهم اتكلمت انا وصحابي في موضوع الزواج (لانه داخل دماغي شوية) فلاقيت كلام جديد جدا
-يابني ماحنا اهو عايشين حياتنا .. وبنعرف نعمل كل حاجة انت عايز تتجوز ليه بس
- النساء شقائق الرجال.. يعني انت مش ناوي تتجوز
- هتجوز ليه بس.. انا لو هتجوز يبقى عشان اشبع شهوتي فقط
-انت حيوان (مش لاقي لفظ تاني كويس عن ده) عشان تقول كده
- اومال انت عايزني اتجوز واخلف والواد عيان ياللا نروح المستشفى.. الواد داخل المدرسة الواد كبر الواد الواد .. ويعملولي صداع فدماغي؟؟!!
-انت مش عايز تشيل مسئولية بئة..
-طيب واشيلها ليه؟؟ طلاما هتجيبلي صداع
- انا مقتنع لحد دلوقتي بكلامه وبحاول افتكر الناس بتتجوز ليه-
- طيب ولما ترجع من الشغل تعبان وهلكان مين يعملك الاكل ويريحك
- تيك اواي
- طيب لما تكون مخنوق وزهقان مين تفضفضله؟
-صحابي طبعا
-يادي النيلة.. واومال الناس بتتجوز ليه؟؟
-يعني انت شايفهم نافعين قوي.. خناقات كل يوم وبيتعمل عليهم افلام
-طيب انت مش حاطط فدماغك تكوين اسرة مسلمة؟
-مش اما اظبط نفسي الاول... يابني انا لو هتجوز يبقى زي مانا قلتلك لسبب واحد فقط..عشان معملش حاجة حرام.. واديك شايف ان الرجالة يقدروا يعتمدوا على نفسهم .. والفلوس اللي اشتغل بيها اكل بيها و اتهنى بيها .. دي كده تبقى عيشة اوبهة
وانت مابتكلمش بنات زي يا احمد .. اللي انت ماتعرفهوش انهم تافهيين وعقلهم ضايع ولا الطراوة-
- اول شهيدة فالاسلام كانت سمية بنت الخياط.... وامهات المؤمنين زوجات الرسول صلى الله عليه وسلم..هن السبب في تكوين رجال مثل الصحابة
-الزمن ده انتهى خلاص.. يعني انت شايف ان في واحد زي سيدنا عمر بن الخطاب .. ولا ابو بكر الصديق... دلوقتي البنات تافهيين جدا.. كل همهم مين يكسب في استار اكاديمي
-ده كده كمان كرهني فالبنات.. اومال هما لازمتهم ايه فالحياة-
الولد ده في كليه محترمة.. وشخصيه كويسة.. ومش اناني..
وكلامه----------------------> مقنع
16 comments:
بزمتك ايه دن دن دن دن دى شوفت الحياه ملخبطه ازاى
وبعدين معلش اصحابك ايه اللى تحكى لهم ولما معلش بقى اتحملنى مخنوق وعاوز تحط راسك فى حضن حد هتروح لصاحبك ولا لامك ربنا يديها طوله العمر ولما تكون مراتك هتبقى هى
مين يسهر عليك لو تعبت طول الليل وانت تعبان وبعدين لو الحياه دن دن دن يبقى خلف لوحدك يبقى كمل حياتك لوحدك ولما اصحابك يتجوزا ولا تختلفوا مع بعض ابقى قابلنى اذا حد فيهم عبرك
يا عم روح قولتلى نمرة الوالده كام كده ههههههههههههههههه ماشى يا دبشه
اللهى القنديل كان اكلك
السلام عليكم
معذورين ما هو ليهم اللي ادامهم
لكن قولهم لسة الدنيا بخير
ولسة فيها بنات زي الفل بس انتم وانتوا بتختاروا اعقدوا النية على ان رضى ربنا الاول
هتفرق كتير اوي وساعتها باذن الله رب العالمين هيرشدك لبنت الحلال اللي تعينك على طاعته وعلى الاستمتاع بالحياة في رضى
ومعلش لما اخد راي حد اشوف حد مجرب وسوي
دول اصحابك يعني زيك زيهم شايفين من على البر وشايفين ادامهم بنات الهس بس بوع الجامعة اياهم
لكن مش دي الصورة الكاملة
وسوي يعني ما تروحش لواحد متزوج وكل يوم في مشكلة مع زوجته هيكلمك من واقع تجربته الفاشلة
ربنا يبصرك باللي فيه الخير
واعقلها وتوكل وحمد الله على سلامتك
هي السلطة اراقة دمك اوي كدة باذن الله سليمة
تحياتي
تحياتي
appy
-----
- دن دن دن دي للكروتة
-ان مكنتش هحكي لصحاب هحكي لمين يعني؟؟ دول هما العزوة
-كنت هقولك امي هتسهر عليا.. بس وانا بكتب افتكرت مين هيعتني بيا لما اعجز... تصدقي انك افحمتيني
-لا بالله عليكي بلاش الوضوع ده يوصل للوالدة.. على العموم دي مش وجهة نظري انا.. بس انا اقتنعت بيها لفترة
-معلومة: القناديل بتبخ تلك المواد اللاسعة للدفاع فقط وليس للهجوم... ياكلني ازاي بقة؟
نونو
----
- المشكلة انه يعرف بنات بنقاب وبيكلموه ويهزرو معاه... انا مخنوق من البنات دول خالص
- انا عارف ان لسه الدنيا بخير وفي بنات زي الفل امي تعرفهم .. وزي ماتقولي كده حجزاهملي
- اكيد لما اتجوز دي هتكون نيتي
- جزاك الله خيرا لدعائك ليا
---------------
على فكرة... مش بحب الاشعار اللي في اخر بوست ليكي (للاسف مابفمهاش)
علشان كده مافيش تعليق
السلام عليكم ورحمة الله وبركاته
حمد لله على سلامتك
اما بالنسبة لموضوع الارتباط دا
فحتلاقى انو فعلا مسؤليه ووجع دماغ بس لو الجواز ما بيديش سعاده اضعاف مشاكلو كانت الناس ما أتجوزتش
فأكيد زى ما بيكون فى مشاكل بتكون فى اوقات صفا
اكيد زى ما بتكون تعب وسهر على الأطفال
على اد ما بتكون سعيد بأول ما بينطق اسمك
على اد ما بيكون فى ارهاق وتعب فى التربية على اد ما بيكون فى سعاده لما يجى يبوس ايدك ويقولك انت راضى عنى يا بابا
على اد ما بيكون فيه شيل للمسؤليه على اد ما حتلاقى انو حياتك ليها لزمه
وزى ما يوم حتتخانق فى ايام حتلاقى فيها صدر حنين يطبطب عليك
وزى بردو ما البنات بقو هايفين الولاد بردو كذلك
الطلاق نسبتو زادت لانو اسس اختيار الزوج والزوجه بقه اعتمادو الاساسى على الجمال بالنسبة للولاد والفلوس بالنسبة للبنات
فطبيعى مع اول مشكلة تنهار الحياه الزوجيه
وبعدين استحاله انو الحياه تفضل من غير مشاكل او زعل
وطبيعى انو اول فترة فى الجواز بتكون صعبة شويا عقبال ما الاتنين يعرفو طباع بعض ويتأقلمو معاها
بس ما حدش بقه بيسحمل
الواحد لو ما أتجوزش يمكن دلوقتى مش حيحس ب الفراغ اوى لانو شبابو مساعدو
بس قولى بعدين حيعمل ايه
وبعدين هو الانسان كده ما بيعجبوش العجب
بس لو فكرت من ناحيه تانيه حتلاقى انو فعلا عدد الناس المحترمه عمال بيقل
والناس من سىء لأسوء
بس بيقولو الطيور على أشكالها تقع
وربنا يبعتلك ويبعتلو الزوجات الصالحات
معلش طولت عليك
بس لو سمحت بلاش كلامك يكون صريح اوى يعنى ممكن كنت تحط نقط واحنا كنا بردو حنفهم
بس علشان ما تجرحش حد
أختك توكا
toooka
------
طولتي ايه بس.. ده انا مستمتع بكل كلمة انتي كاتباها (حرام اللى انتي عاملاه في مدونتك دده)
كلامك مقنع جدا جدا.. لدرجة اني عايز اروح اخطب كمان شوية D:
بخصوص الكلام الجارح.. فده والله مش قصدي
مش عارف اعمل ايه فالمشكلة دي.. ده انا كده مش هعرف اتجوز..appy سمتني دبشة عشان كده .. بصي انا هحاول اغير الكلام.. وياريت لو انا غيرت اللى قصدك عليه قوليلي
تحياتي
تمااااااااااام
سؤال جديد على مدونة برنماجنا الاذاعى
انت تسال والكمبيوتر يجيب
http://netradio.blogspot.com
والذى يذاع يوميا الساعه 9.10 صباحا ما عدا يوم الجمعة
السؤال هو
الأشاره حمراء
الأشاره خضراء صفراء لافرق فانت متاخر متاخر عن موعدك ....ايه كل العربيات دى؟المرور متوقف لا يتحرك وبعدين لو اقدر اطير!؟؟؟ وتفكر وتسرح ....ما هو السكه واقفه....تفتكر حيخترعوا سيارات تطير؟؟؟؟ ونحب نعرف منك بماذا اجبت .
تمنياتنا بدوام التواصل
ايووون القنديل بيأكل الدبشه يا دبشه ههههههههههههههه
شوفت افحمتك ازاى وبقى شكلك بلوك اسود هههههههههههههه فرحانه فيك
والله دلوقتى غيرة وجهه نظرك بس اصحابك ممكن يكونوا مش شايفين ناس كويسه وده وارد ربنا يهدى يا دبشه
السلام عليكم
يا ابني لسا شوية
اصبر
متتكلمش في الموضوع دا دلوقتي
مجرد ما تخلص هم الدراسة مخك هيتفتح اكتر وانت بنفسك اللي هتحكم علي الامور
مش واحد صاحبك هو اللي هيفكرلك
انت تفكر بدماغك انت
انت اللي تقرر
وزي ما قلتلك اختار الوقت الصح
الوقت اللي تكون فيه مستعد انك تبني بيت
وانوي نية خير زي ما انت قلت
تبني بيت مسلم
انا اكبر منك ومريت بكل اللي انت بتحكيه دا
حياتي كلها غربة عن البيت وعيشة معتمد فيها علي نفسي ما بعد ما خلصا ثانوية عامة
صاحبت ناس من كل حتة في مصر ومن كل المستويات اللي ممكن تتخيلها
قعدنا مع بعض وحكينا وفكرنا وحطينا احتمالات
مفيش غير الاستقرار والزوج اللي شرعة ربنا واللي حث عليه خير خلق الله سيدنا محمد صلي الله عليه وسلم
انا دلوقتي عندي 26 سنة...صحابي منقسمين 3 اقسام
منهم اللي اتجوز وخلف وربنا كرمه واستقر ومعدناش بنشوفه...معدش بيتسنكح يعني وبقي وراه امور اهم من اللف في البلد والسرمحه اللي ملهاش لزمة
القسم التاني اللي هما علي مشارف الزواج من امثالي
ودي فترة مقرفة بقي شوية في امور التجهيز والاتفاقات والمشاكل الكتيرة...مع ان الناس بتقول عليها احسن الفترات
في بقي القسم التالت اللي هو القسم الي لاهو متجوز ولا خاطب
ودا بيكون لظروف مادية ...مش قادر يوفي اللي هيتطلب منه
او لظروف غبية
عشان عاوز يتسرمح مع البنات وبيعيش حياته
بس في الاخر بيحس بوحدة وغربة
صاحبك مش ليك طول العمر
مهما كنت بتحبه ومهما كنوتوا بتكلوا مع بعض ليل ونهار
مش هتوصل للدرجة اللي انا وصحابي كنا فيها
دلوقتي منعرفش عن بعض حاجة
هي ديه الدنيا
انما لو ليك زوجة وبيت واسرة هتحس بجمالها وحلاوتها
معش طولت عليك
ربنا يرزقنا ويرزقك الأستقرار والبيت القائم علي طاعة الله
toooka
--------
اي خدمة
قطة الصحراء
----------
تبع حد ده؟
appy
----
القنديل ياكل الاسماك فقط :P
طبعا افحمتيني.. من افضل الردود والله
ربنا يهدي الشباب والشابات
هيييييييييييييييه... راجل بيرد عليا
راجل بيرد عليا
نفسي اشوف ردود الرجال فموضوع زي ده... واهو خيرة الرجال:
الراقص مع الذئاب
----------------
-وعليكم السلام
-والله الموضوع ده بيروح ويجي فدماغي
-الوقت الصح ده شكله هيتأخر كتيييير
-خلاص انا اقتنعت اني لازم اتجوز
- ربنا يكفينا شر الظروف المادية دي
-جمال وحلاوة البيت..ولا الدنيا ولا الزوجة؟
-طولت ايه بس.. ده انت بتقول كلام عنب
-آآمين
-وعليكم السلام
زعلتنـــــــــــــــــــــي
مش كل البنات زي بعضها وكمان هاقولك ع حاجه يعني هيا كل الرجاله اصلا بتقدر تشيل مسئولية انا من اللي بشوفه من صحباتي المتجوزات والله خلاني اتعقدت من كل الرجاله لأنهم مش قادرين اصلا يشيلوا مسئولية
تحياتي :(
السلام عليكم
هو انت حذفت تدوينة الصورة ليه
عموما انا شفتها في الريدر
على فكرة الاشعار اللي حضرتك ما قريتهاش مش ضروري
بس الكلمتين اللي كتبتهم قبلهم بيلخصوا الموضوع
ولو ان الاشعار واضحة
ومحتاجة اشوف يصمتك
بالنسبة بقى للبنات ام نقاب وبتهزر مع الشباب اللي اشرت لي اليهم هنا
ربنا يهدي
تحياتي
maryooom
-------
اكيد طبعا مش كله زي بعض
وانا شايفك منتشرة فالمدونة من اول زيارة
نورتي
نونو
----
حذفتها عشان كنت كاتب C.shabana
واختصار ال C. هي Cristiano يعني اسم نصراني
المشكلة ان صحابي متعودين يقولولي كريستانو سبانة .. لاني لاعيب زيه
شفتيها؟؟ طيب ايه رأيك؟
منا فهمت الموضوع بس مش بحب احط كومنت الا لو قريته كله..عشان افهم الموضوع كله
ربنا يهديهم
سلام
اااااااااااااااه علشان كدة
طب صلحها
حلوة
ربنا يبارك فيك
تحياتي
انا وممكن اصلحها... لكن صحابي اتعودو يقولوهالي
شكرا لدعائك وعودتك
نورتي
Post a Comment