مش قادر

ايه اللي بيحصل في فلسطين ده..من الرسوم الى محرقة الاطفال..مين يستحمل؟

" ولا تحسبن الله غافل عما يعمل الظالمون "

مش عارف ايه العصبية الجديدة اللي بقت فية دية
يمكن من التفكير الكتير في تحمل المسئولية
او يمكن لاني بنام وجنبي اشعاعات الموبايل
او لاني مش عايز ابقى روش وشاب ستايل
او لان الاسعار هنا مفيش حد يتحكم فيها
حاسس اني في غابة وبيحكمنا ناس سفيهة
كفاية افكار عن الاسعار الاقتصاد المصري انهار
نفسي اعيش والاقي العيش.. والجنيه بستة دولار
الكلية ليها فاعلية قوية في التأثير عالشخصية
نظام التعليم ممكن يكون هو سبب العصبية
وانت بتدرس اختار طريق من حاجتين
ياما تفهم او اما تنجح..مينفعش الاتنين
عمالين نتعلم لما بنتسأل بنبلم
لما بنتخرج بنعلق الشهادة تحت بير السلم
او لاني بفكر في المستقبل اكتر مما عقلي يقبل
هقولك على حاجة بس متقولش عليا اهبل
زمان كنت بقول ياريتني اتجوز بريتني
بس الوقتي لاقتني ان لو حصل كانت خنقتني
بفكر اعيش في لندن ,الدور التاني جنب بيج بين
واكيد هرجع مصر تاني لان الدم بيحن
سفري للسوعدية سهل بس الاصعب فراق الاهل
اما اروح هناك اهلي هيقولوا
Please come back
او لان الوسايط بقت عامل هيودينا ورا الشمس
والامراض كترت ومنها اللي بيتنقل باللمس
انا بتفرج عالشارع واتابع ايه اللي بيحصل فيه
خناقة هنا حادثة هنا الواحد مبقاش مكفيه
كله بيبلطج عشان يسلك والا مش هيعرف يعدي
كله بيقول عليا نمرة لو ماشي براحة بهدي
السواقه فعلا سبب انها خلتني عصبي
كل واحد يسافر بره يخاف يقول انه عربي
وهنا تاخد على افاك ويزغطواالسايح الغربي
يارب حكمتك .. انا فوضت امري لربي
انا مش متشائم ومتأكد ان الاسلام هيسود
لكن ده بعد منشيل من قلوبنا جاهلية اليهود

اياك ان تيأس.. ولا تقنط
فالقنوط اخو الكفر
"انه لا ييأس من روح الله الا القوم الكافرون"
النبي كان يعجبه الفأل .. وكان يكره الشرك
<الطيرة شرك>
ولكن لا تسكن وتحرك

بعد كل ضلمة اكيد هيجي نور
اكيد هيجي الفجر والاسلام يكون منصور