فلوووس

الفلوس مش كل حاجة

مش عايز حد يقرا العنوان يقول:

فكك بقى من الــقـناعـــة.. فكك بقى مــــن كـــلام الاذاعــة
ده كله فاتح بقه زي البلاعة.. والاسعار دلوقتي هي حديث الساعة

انا مثلا..
( ولا استعيذ من كلمة انا عشان مافيهاش حاجة)
اتعرض علية 30000 "تلاتين الف" دولار
بس انا موافقتش .. مع ان الموضوع سهل جدا
بس هعمل ايه بالفلوس دي كلها.. كده احسن
كل ما كان عليا اني اتصل ب 2014 من اي تليفون محمول

المفروض نعمل بالمثل : " لو الحديد غلا منشتريش ولو الزيت غلا بلاش نقلى"
-المثل ده بتاعي-

الموقف الاول:
كنت في زيارة لمريض غني بصراحة.. نايم على ظهره على طول
والكلام اخدنا لموضوع الفلوس اما قلتله" احمد ربنا انه اعطاك الرزق ده كله" قالي:
"نفعتني بايه الفوس.. انا مستعد ادفع مليون جنيه واقوم امشي زيكوا"
اتأثرت بالكلمة دي الصراحة.. ده احنا في نعمة

اسمع الى هذا الموقف
دخل على هارون العالم" بن السماك".. فاستستقى الرشيد.. فاتوه بماء مبرد
وقبل ان يشرب قال له العالم:
"بكم كنت مشتريا هذه الشربة لو منعتها"
يعني تدفع فيها كام حتى تشرب ولا تموت
قال هارون الرشيد :
"نصف ملكي"
قال "فاشرب هنيئا"
فشرب هارون.. فلما انتهى قال العالم:
" أرأيت لو منعت خروجها من بدنك .. بكم كنت تشتري ذلك"
عشان مايجلوش حصر البول .. وتسمم في الدم من البولينا
قال: ادفع نصف ملكي حتى لا اموت
قال العالم:
"ان ملكا قيمة نصفه شربة ماء.. وقيمة نصفه الاخر بولة لخليق بان لا يتنافس عليه احد"

سلام