اسماعيلية زمان..اما الدنيا كانت بتمطر
كنت بحب اليوم ده..عشان اخرج فيه
لكن دلوقتي
مش عارف اروح الجامعة
اسماعلية بقت برك مياه
حاجة تقرف بصراحة
كل ده عشان مش عارفين نرصف طرق
جايبين محافظ مجاملة لانه كان تبع حرس الرئيس
وحتى من غير مطر.. الواحد مش عارف يمشي بالعربية عشان خايف عليها
كانوا الاول بيكسروا ويسفلتوا...
يكسروا ويسفلتوا
يكسروا ويسفلتوا
دلوقتي
يكسروا ويكسروا
الله يرحمك يا عبد السلام محجوب
كنت باكل وانا بكتب..عادي يعني
23 comments:
ولا يهمك بورسعيد بردو تحولت الى ترعه والدنيا بايظه بس بيقولو ان المحافظ هيمشى خلاص
عقبالكم
تحياتى
يعني القصة الشيقة دي محورها
الشيبسي العائلي .. على فكرة فيه
منه نكهات كتير وكلها
made in Egypt
اللي يعيش ياما يشوف
بوست جميل
تحياتي
ويعني هيا القاهرة الي بقة ينفع يتعاش فيها مبقاش ينفع خلاص
عليه العوض فمصر
ادم
متفتحش سيرة المواضيع دي انا مش ناقصة فاقعة
ضد الظلم
انا كنت فاكر ان اسماعلية بس هية اللي كده
بعدين انا اعرف ان البورسعيدية بيحبوا المحافظ بتاعهم جدا
unique
متهيألي ان هو مش مايد ان ايجيبت بس اعمل ايه
ادمان بقة
sad_doraa
متهيألي اني اقعدت فالقاهرة.. واعرف ان فيه شبطة صرف على جانبي الطريق
لان القاهرة بالذات مينفعش تقف
ومع ذلك واقفة برضه
انا عارف ايه اللي جابك مصر تاني؟؟
السلام عليكم ورحمة الله وبركاته
الله دى الجامعه بتعتى
هههههههه
طيب ياعم احمد ربنا انك عندك عربيه انا مقضياها مشى
متخيل انى يوم المطره دا مشيت من الجامعه لحاااااااااااد قهوة الأمير مش عارفه اسمها كده صح ولا ايه اللى هى موجوده فى شارع رضا علشان اركب تاكس لا وايه اتغرقت ميه
بس والله كنت سعيده اوى بالمطر لانو فى السعوديه كان حر وانا بحب الشتا اكتر
بس عندك حق يعنى مش مفروض لما يوم يمطر الدنيا تغرق مفروض يعملو شبكات صرف
بس انت ظالم يا أدم عاوزهم يعملو شبكات صرف للمطر قبل ما يعملو شبكات صرف للناس فى بيوتهم
ياعم سيبك المهم انا عاوزه حته من اللى كنت بتكلو
فى رعاية الله أختك توكا
السلام عليكم
الحمد لله انا كنت يوم المطر في القاهرة
الحمد لله عشان عرفت قيمة بلدي اوي وإن الدنيا لما بتمطر بتنظف البلد عندنا
هو فعلا فيه شوية طرق متكسرة ومش مظبوطة
بس خلي بالك...المحافظ بتعنا مش وحش
في حجات عملها كتيرة محترمة اهم من رصف الطرق
يكفي انه منع التعيين لغير ابناء المحافظة
لما تتخرج هتحس بالموضوع دا اوي
لما تلاقي ناس من غير ولاد البلد بيخدوا مكانك في الشغل
شكرا علي الموضوع يا آدم
toooka
لالالالالا
عربيه ايه بس اللي بتاعتي
ده انا باخدها بالدراع.. بس هية معايا بقالها فترة كده لظروف
ما هية شبكة الصرف دي عشان البني آدمين
هتلاقي منه عند عم عبده بتلاتة جنيه
الراقص مع الذئاب
لو كنت عايش ايام فؤاد سعد الدين وتشوف بيعمل ايه والجناين والمنظر الجميل اللي عاملها
وتقارنه باللي عمله الفخراني
السلام عليكم ورحمة الله وبركاته
معدش فيها حاجة نافعة البلد دي خالص
ربنا يستر علينا بقى
والله المستعان
الجمعاوي الاصيل
ياعم صلي على النبي كده واستهدى بالله
بعد كل ضلمة اكيد هيجي النور
طول عمري أحب الشتاء وأتفائل خيرا بالمطر لكن من داخل منزلي لأن ماعنديش استعداد امشي في المستنقعات اللي بيطلق عليها شوارعنا
والدي حكالي ان ايام الاحتلال كانت الشوارع فيها مصارف للامطار ولكنها "اتسرقت" !!!! زي ما كل شيء اتسرق للاسف
طيب وعند مامتي في شبرا الخيمة من قبل زواجي وانا متزوجة من 8 سنين اهو ولا زالت زي ما هي اول ما تمطر انسىىىىىىىىىىى
الشاطر اللي يعرف يمشي ولا يركب عربية ويمشي بيها ولا يعرف يخرج من بيته اصلا بعيد عنك امتار من الطين اللي بيزحلق وبيفضل كام يوم
غير بقى اهرامات القمامة اللي برضه بيدفعوا فلوسها على الكهربا ومفيش فايدة برضه ما حدش بيجي يشيلها اصلا
اول زيارة لمدونتك وتستحق المدونة المتابعة
اتمنى دوام التواصل فمرورك اسعدني
دمت بخير
ههههههههههه
ماشى يا سيدى بالهنا والشفا
بس اللى ياكل لوحده
انت بتشتكى من الاسماعيلية
طيب تعالى عندنا الشرقية وشوف جمال الطرق وانت تعرف
حاجة تقرف بكتر :(
سنووايت
بس نعيش احرار
nonoymm
تفائلي
حمامة
اسماعلية احسن
Hello, Vague!
Excellent podt.
Very good.
Thank you.
مهما كان برضه الاسماعيلية ارحم من اماكن تانية كتير وبعدين متبقاش ظالم كل محافظ ترك بصمته على الاسماعيلية
بس بصراحة اكتر محافظ اعجبت بفترته كان الجويلى وربنا يا سيدى يكفينا شر المستخبى مش عارفين اللى هييجى بعد كده هيعمل ايه
السلام عليكم ورحمة الله وبركاته
أزيك يا أدم
بقه دا كلو يا راجل ولسه ما خلصتش الشيبسى العائلى
عاوزين نطمن عليك يا سيدى
يارب تكون بخير
أختك توكا
السلام عليكم ورحمة الله وبركاته
أزيك يا أدم
بقه دا كلو يا راجل ولسه ما خلصتش الشيبسى العائلى
عاوزين نطمن عليك يا سيدى
يارب تكون بخير
أختك توكا
david santos
تبع مين ده؟
جسر الى الحياة
مين الجويلي ده
هوة انتي من اسماعيلية؟؟
منا عارف ان اسماعلية احسن من حتت تانية كتيير
توووكا
لول... لا خلصته ومش ناوي اكل تاني
انا بخير والحمد لله
واما نروح نشوف ايه حوار سانت كاترين ده
السلام عليكم ورحمة الله وبركاته
ازيك يا أدم
انت بتقر ليه بس سيبنى فى اللى انا فيه
والله رئيس القسم مطلع عينا
انت صحيح فى سنه كام ؟
انا صحيح مش كاتبه الموضوع كويس لانى مش فاضيه اساسا بس اهو معلش والله كان نفسى اوريكو الصور بس علشان مساحتها كبيره مش راضى يحملها فى صور احلا بكتير من اللى اتحملت بس يلا بقه خيرها فى غيرها
يلا سلام أختك توكا
وعليكم السلام
2 كيمياء
انا ممكن افاجئك واوريكي حبة صور من سانت كاترين وصلولي
تبقى تظبطي الجهاز عندك
سلام
السلام عليكم ورحمة الله وبركاته
ايه دا انت فى دفعة ليلى
طب تمام انا حستنا حجتين
موضوع جديد والصور
خلاص
اوك
خلى بالك من نفسك وشد حيلك
ومن هنا وراح قولى يا طنط
يلا سلام
أختك توكا
اوبس قصدى طنطك توكا
:)
مينفعش اعمل موضوع عن سانت كاترين لاني مرحتهاش
بس انا معايا صورة الجماجم..والناس اللي رايحين يعترفوا بذنوبهم ولابسين لبس الطباخين
وصور العمال اللي كانوا معاكو بتوع الكلية
مممممممم... اه ليلى معايا
من الواضح انك مش واخدة بالك اني عامل 3 مواضيع جديدة غير ده
طنط ليه يعني ... انا من فئة المدبلرين سنة اولى... يعني المفروض اكون في تانية بس الحمد لله
Post a Comment