طبعا
الف مبروك
والفرحة حلوة برده.. كان نفسي من زمان افرح الفرحة دي
و عملتها كتيبة الساجدين وفرحتني
وفرحت العرب في كل مكان .. وفرحت لما موريتانيا احتفلوا بفوز مصر كانهم مصريين
وافراح في فلسطين المحتلة بفوز المنتخب العربي المصري
واعتقد ان السر في " تعاطفنا مع غزة"
الكلمة اللي وحدت العرب
ولاول مرة
ولكن
من منا قال ان الفضل لله .. وسجد لله شكرا.. او حمد الله
ومن منا رقص وغنى .. ومزامير وطبل بلدي .. واغاني وDJ
موقف بيبين لييه ربنا مأخر نصره
النصر الكبير اقـصد
نصر الاسلام
و مدحت شلبي يغيظني في برنامجه اما بيقول "يا مساء الانوار"
فيها ايه لو قال " السلام عليكم" واخد الثواب .. وثواب اللي هيرد كمان
وكان في ناس كتير بيغظوني فالتليفيزيون "بنهدى الفوز ده لمبارك"
رغم اني لا انكر دوره البسيط – من حماسة وتشجيع اللاعبين-في فوزنا بالكاس
والحمد لله
--------------------------------------------------------------------
من هواياتي : ( اتفرج على النتايج )
نتيجة اولى علوم ظهرت
بعد ما اتعملها مجليسين بقيادة العميد سيد الطمنى عشان يرفعوا مواد للناس
" و المجلس ده مش حاجة سهلة .. فما بالك باتنين"
ورغم المجلسين:
وقفت قدام النتيجة..منزهل
عينية زغللت.. مش عارف اتفرج على النتيجة
دواير كتيييييييييييييييير وزحمة
واللي كان بيشيل مادة بيعزم صحابه
واللي طالع صافي ده اكيد كان دبلر "عايد السنة"
وفي وسط الزحمة
.
عيني لمحت نتيجة غربية جدا بما تعنيها الكلمة من معنى
طالبة جايبة
خمسة ممتاز وواحدة جيد جدا
ولكن لما قريت اسم الطالبة .. هربت كل علامات التعجب عندي
"مي صلاح رشوان".... وصلاح رشوان ده دكتور كيمياء فيزيائية
وكل لبيب بالاشارة يفهم
فضحكت وقلت يا حلااااااوة
6 comments:
مبرووووووووووووووك لمصر كلها
رفعوا رسنا والله
ولعل الكرة اصبحت هيى مصدر الفرح
الوحيد للمصريين
اما عن النتائج فابن الوز عوام
الجمعاوي الاصيل
لا يا باشا
ولا عوام ولا حاجة
ده لو معاها الامتحانات... مش هتعرف تجيب امتياز
والله العظيم ممكن تشيل مواد كمان
الموضوع ده فيه ان
السلام عليكم
مبروك لمصر
ومبروك لمي صلاح رشوان
بس ظلموها في الجيد جدا ديه
اكيد الدكتور بتاع الجيد جدا مش بيحب ابوها
السلام عليكم ورحمة الله وبركاته
ههههههههههههه
لا عادى يابنى
بس بجد بستغرب من سنه اولى
انا دفعتى وانا فى اولى ما فيش غير تقريبا 4 عادو السنه
وتلات تربع الدفعه جابت جيد جدا
دى سنه اولى دى اسهل سنه
بس تعرف بجد العيب مش فى الطلاب بس
نظام الثانوية العامه دا فاشل فشل زريع وانا كنت اخر دفعه قبل ما يلغو من المناهج
مناهج بقت عقيمه جدا
وثانيا الكلام الكتير اوى عن علوم وعن رخمتها بتكره اى حد من قبل ما يدخلها
تعرف انا مثلا بطيخة كبيره وقارعه كمان فى التاريخ وشوية جغرافية
يعنى واحده قربت خلاص تتخرج وتكون بالجهل دا عن تاريخ بلادها
حاجه تكسف والله
يعنى مش معنى انى ما بطقش التاريخ انى اكون بالجهل دا فيه
يعنى تعليمنا لو كان احسن كان معلومتين ولا تلاته اتلزقو فى دماغى
انا عارفه انى بردو غلطانه
للاسف نظام التعليم فيه ثغرات كتيييييييير والكوسة دى موسم طول السنه
اه صحيح ايه اخبار الدراسه ادعيلى ورقى يخلص علشان اليوم غياب عندنا بيفرق
أختك توكا
ابو صابر
دي سر الخلطة... عشان يحبكوها يعملوا واحدة جيد جدا قال يعني
تووكا
ايه؟؟
4بس؟؟
طب ازاي
ده احنا كان عندنا 80 واحد دبلر
طيب التعليم بايظ
والعيش مش لاقينه
والفساد انتتشر
اروح فين انا بقى؟
اللي ليه واسطة..ياكل باسطة..
واللي ملهوش واسطة..
يقعد ع البسطة
Post a Comment