احب اقول لاهل الاسماعيليه ان فى مصابين من مدينه غزه فى مستشفي الجامعه بالاسماعيليه ..
و فى تبرع بالدم فى مسجد ابو بكر الصديق ..
اللى عايز يروح يساعد يساعد يا شباب ..
بالنسبة لاهل القاهره و اللى عايز يجي يساند من جميع انحاء مصر ..
انا هكتب ليكم العنوان و طريقه الوصل الى مستشفى الجماعه ..
لو انت من مصر هتركب عادي من المرج او من رمسيس هتركب سوبر جيت ..
اول ما هتنزل هتنزل عند موقف اسمه الموقف الجديد ..
الموقف ده فى حي اسمه حي السلام ..
بجوار جامعة قناه السويس ..
و الموقف ده بيبعد عن المستشفي حوالى 5 دقائق فقط ..
لو اخت تاكسي فى حوالى دقيقه هيكون موصلك للمستشفي ..
ايضا يا اهل العريش و سيناء ..
ياريت التوجه الى مستشفي العريش العام و مستشفي رفح و مستشفي الشيخ زويد ..
هناك ايضا تبراعات بالدم ..
12 comments:
انا عملت عندى اعلان بالموضوع يا ادم وربنا يسهل
انا عرفت ان حماس مش عايزه تجيب جرحى هما جم ولا ايه
أبي
---
شكرا
وربنا يجازيكي خير...وياريت انتى بنفسك تروحى تتبرعي سواء فالعريش او الاسماعلية او بنك الدم بالقاهرة
GiGi
-----
المستشفيات حاليا في حالة طوارئ ومستعدين لاستقبال المئات من الجرحى
وهي يعني حماس هترفض ليه؟؟
شعور ونداء رائع منك
ولكن لم يصل اي مصابين فلسطنين حتي الان الي الاسماعيلية
لا في الجامعة ولا في العام
انا كنت هناك النهاردة
عموما التبرع بالدم لن يخسر
تحياتي ليك يا بن البلد يا اصيل
انظر حولك
د. خالد عزب
السلام عليكم ورحمة الله وبركاته
ياااااه انت فينك
دا انا قولت انك اخدتها من اصرها وسبت التدوين زى حالاتى
مع انى سعات كتير بيوحشنى التدوين بس كده احسن
انا والله من امبارح بالليل وانا بتفرج على الجزيره وماليش نفس اذاكر
مخنوقة من اللى بيحصل ومش عارفه اعمل حاجه غير الدعاء ربنا معاهم
شد حيلك انت بس فى المذاكره الامتحانات على الابواب
وياريت تدعيلى اخلص اخر سنه دى على خير
أختك توكا
daktara
------
انا رحت اتبرعت النهاردة بالدم
وكتبت خاص لغزة
عشان مايودوش الدم ده للمصريين :))
بس هما في حالة طوارئ ومستعدين لاستقبالهم في اي وقت
ToOoKa
-------
انا منفض للتدوين فعلا
بس انا عملت البوست ده قولت هيكون مفيد لو واحد بس قراه..والحمد لله اربعة اهو قروه
بس انتى بلغي صحابك ياريت
وحاولى تروحي تتبرعي
الترم ده سهل اتطمني
سلام
معلش .. مكان التبرع بالدم في القاهرة هيكون فين ؟ قصدي يعني بنك الدم ولا الهلال الاحمر ولا اية ؟
ربنا يقدرنا على فعل اي حاجة تكون مفيدة ليهم
amr
----
ماعرفش بجد
بس في القاهرة اتبرع بالدم للهلال الاحمر احسن
لان بنك الدم بيبع الدم
انما الهلال الاحمر بيوصل لفلسطين
ماشاء الله عليك
جيت اقولك حاجة مشابه
ربنا يبارك فيك
هنتقابل فى الاسماعيلية
يوم الجمعه 16/1
الساعه 11 ظ
امام الباب الرئيسى للمستشفى الجامعى
عدد الجرحى فى الاسماعيلية 19 حالة
بعد ان توفيت شابه هذا الصباح
منهم سيدة تبلغ من العمر 58 عام
وشابة فى العناية المركزة عندها 17 سنة
والباقى رجال من سن 17 عام الى الاربيعنيات
ومازالت المستشفى تستقبل المزيد
محتاجين تبرعات مالية
وبعض الملابس
عصائر
للاستفسار
نهر الحب
رقم تلفونى هو 0188047779
ياريت تجى معنا
او نجى معاك
المهم نخدم بشكل ايجابى مش كلام وخلاص
ربنا يجازيك خير إن شاء الله علي نشرك ومساعدتك في الموضوع وياريت كلنا نبقي زيك كده
ومش بس كده كمان نتبرع بالدم ممكن نساعد في حياة اي حد
Post a Comment