لازم تسمع انت وهي
لما اتكلم عالعضوية
اليفاتية واروماتيه
استريو كرومو والتحليلية
physical dynamic مع
لازم معايا تندمج
كان بيدهاني فاروق
كنت بحضر وانا مخنوق
قاعد بحقد على اللي بره
واقول خلاص دي اخر مرة
بحضر علشان الغياب
واما ازهق االف راب
لحد ما جت الامتحانات
لحد ما جت الامتحانات
لازم اعوض الل فات
كانسيلت الاكل ونسيت النوم
عالحال دوه كل يوم
شربت 245 كافي ميكس
عشان دماغي متهيسش
عملت كده الهاي سكور
لحد ماجالى حرقان فالزور
وزاكرت ورق فؤش شو
اقدر اجيب امتياز
بطريقة اشبه للاعجاز
بدل ماحنا بنجيب جاز
تجيبها وانت عالتلفاز
لكني قلت مش هغش
ولا حاغشش .. لا معلش
دلوقتي خلص اخر امتحان
وتوقيت التخطيط حان
هاخد اجازة 3 ايام
اركز فيهم عشان انام
بعد كده :
1-----------
2-----------
3-----------
19 comments:
سلامة عقلك
من الزعيق
موفق ان شاء الله من غير كوفى ميكس
لكن ايه الفرق بين الكوفى ميكس
واكوفى شوب
تحياتى
أنا بشرب شاي القهوة بتنيمني :D
والله لموزاكرة دية هتجيب للطلبة شوحار في مخهم عالاخر :D
و ياريت بنفتكر اللي قعدنا ندح فية ( دة بالنوزبالي)
وياريت هنشتغل بية ( كل دكتور بتاع سنة يقول علي الدكاترة اللي في السنين اللي فاتت مبيفهموش ولما نتخرج بيقولولهم كل اللي درستوة دة غلط اتعلموا بقة الصح ... ,واو طب لما هوه كدة معلمتوناش الصح لية لما كلكوا عارفين) يلا بلا بتاع
انا روحت بعيد .. سوني .. نعود للحوار .. هوه حضرتك كدة خدت الاجازة ( أقر و احسد يعني ؟؟؟ ) ولا اية :D
يا رب علي خير و تبقي اخر الاحزان علي رأيك
( الحمد لله ان معندناش غياب في المحاضرت ) كانت تبقي هيصة
تعليقًا علي لراب حلوة ماشاء الله
بالتوفيق و إلي الامام :D
ياعيني يابني ده كله من المذاكرة والامتحانات
الله يكون في عونك
ومتخليش السلوك تلمس تاني
ههههههه
تحياتي
هههههههههههههههههههههههههههه
حمد الله على السلامة
ربنا يعينك ويعينا كمان
تحياتي
معلش يا كبير
كل نفس زائقة الامتحانات... وعباقرة مصر ليهم الفيزيا بالذات
....... وعجبى
ايه ده أنا اتخبطت ف عقلى و بألف شعر!!
لاااااا أنت بهت عليا ولا ايه؟
كلام على بلاطه
------------
عقلي مش هيبطل زعيق غير لما اخلص كليه
لااااا... لازم كوفي ميكس عشان دماغي ماتهيسش
كوفي شوب هو المكان
نورت
نعكشة
------
انا شاي وقهوة وكوفي ميكس ولا بيأثروا فيا
مش لدرجه الشحار يعني
عمالين نتعلم واما بنتسأل بنبلم واما نتخرج بنعلق الشهادة تحت بير السلم
سوني واريكسون
لو في حسد يبقى اخدتها برضه
جزاكي الله خيرا
hero
-----
هية كده السلوك لامسة؟؟
ده انا كده عاقل ياعمي
نورت يا بطل
nonoymm
-------
الضحك ده على ايه؟
يارب يعيني فالنتيجة ان شاء الله
نورتي
مـــــى
-------
انا كبير ؟؟!
وعبقري كمان؟؟!!
بس دي اخر مرة اخد فيها فيزياء ان شاء الله
غريبة مع اني حاطط الابيض لوحده
كوفي ميكس دي بتوظ الدماغ
بس سلامه عقلك
قرب يطير
الامتحانات بتعمل اكتر من كده انا خلصت بقي الحمد لله طلعت سليمه
من غير كوفي ميكس
ربنا يعينك
اسم مدونتك عجبني دليل انك بتفكر
ربنا يهديك للتفكير السديد ويهدينا معاك
اربع سنين يا علوم
م العمر محسوبة
عشناها نبنى ف امال
ونرص طوبة طوبة
نحلم يضيع حلمنا
ونقول دى مكتوبة
نرجع نعيد اللى كان
ولا يوم نقول توبة
اربع سنين ياعلوم
م العمر محسوبة
باقى المناحة فى المدونة بتاعتى
ولا عزاء للكليات العسكرية
تقبل عز تحياتى
حلوة اوى ودمها خفيف وكمان متناسقة
ابقى رد الزيارة ادينا قلنا اهو...وبطلوا بخل
صحتك يا ادم بجد حرام ايه كل ده
يا ابنى كل دى تهيسات
ربنا معاك
هههههههههههههه
حلوه افكار فى عقلى بتزعقلى
تصدق انا كمان فى افكار فى دماغى بتزعقلى جامد
بس انا مصيبه مبسمعش الكلام ههههههه
البوست رائع
على فكره احنا ولاد كار واحد
انا كلية علوم اسماعيليه برضه
ابقى طمنا ع النتيجه
السلام عليكم ورحمة الله وبركاته
مبروك
لازم يعنى تفكر الواحد بفاروق رضوان
يلا عقبال النتيجة على خير ان شاء الله
توكا
coca
-----
cola??
ليه ده حلو
عقلي ركب جناحات وسافر خلاص
طيب منا خلصت برضه
وبالكافي ميكس
نورتي
مـ~ـاجدولين
----------
ياربن اعيني
ده من زوقك
يارب اهديني
اسعدني مرورك
مع اصراري
---------
اما اروحلك اشوف ايه حكايتك دي,
متقبلها ياعم
القاك هناك
شفقة واحسان
------------
حلوة؟
خفيفة؟
متناسقة كمان؟؟؟
حاضر هروح.. بس مش دلوقتي عشان انا نايم اكلنيكيا من ساعتين
appy
-----
الصحة زي البمب الحمد لله
بس التهيسات دي لازم منها
ربنا معايا فالنتيجة ان شاء الله
ومبروك لانفتاح البيكيا
amal
-----
علوم؟
واسماعيلية كمان
طيب سنة كام؟؟
في كمان:
افكار فدماغي انا ليها لاغي
نورتي
توووكا
------
اهلا اهلا
وعليكم السلام ورحمة الله وبركاته
فاروق لابد منه
ان شاء الله تقدير
السلام عليكم
ايه يا ابني الفن دا
هو الزنقة وقرف الامتحنات بيطلعوا المواهب المكبوتة
قكرتني بالذي مضي
ربنا يعديها علي خير وتخلص
اكيد هتخلص وهتفتكر الايام ديه
وهتقول عليها:
كانت ايام جميلة
ربنا معاك ومع كل اللي بيمتحنوا
سلام
حبيبي الراقص مع الذئاب
فن ايه بس
عملتها اثناء وبعد وقبل الامتحانات
ربنا معايا ان شاء الله
.. بس انا خلصت خلااص
درة:
ربنا معاكي
شوفي دعواتي عملت ايه في اخر بوست
:]
بالتوفيق ان شاء الله
1-لازم تسمع انت وهى(مش هتبطل يلا اللى بتعمله ده انا غلطان اصلا)
2-plays as crestianoهههههههههههههههههههههه
وسعات بتقلب هنرى
(كله الا فاروق كنت بحضر وانا مخنوق)
منتالازم تكون مخنوق لسببين
1-اللى بيعمله فينا(انياما و ام بهيجة وبتحبطنى)
2-انت محدث فى حكاية الحضور بس كان فى شبولى بعد العيد
بس كان سعات فى محاضرات جامدة (حربى (انا معندييييش)
كان معك (صاحب عطوة من امام الكومبيوتر فى الصيدلية)
حبيبي حبيب حبيبي والله
اسعدني حضورك
انأ قولت حرام الفن ده يندثر بيننا فقط..لازم يوصل للعالمية...بعدين انا كاتب من أول الاحمر ولا انت مش واخد بالك؟؟
لعدين انا هنري اكتر من رونالدو ..
ايمانا حبيبة احمد خالد.. وبتحبطني هتودعنا
ايوة كده اتنحرر وروح للناس
كان بيرد عليك صاحب عطوة من امام الكومبو
Post a Comment