بين الثقة في النفس والغرور شعرة
بين الزهد والبخل شعرة
وبين قول الحقيقة وقلة الذوق شعرة
يمكن بتكلم عن نفسي
مبحبش امثل على حد.. مع انهم بيحبوني أمثل عليهم
لو بمثل عليهم بحس اني ضحكت عليهم
مثلا: فالتليفون باحب انجز.. اجيب المفيد.." السلام عليكم.. ايوة يا محمد عايز ايه" كده
مثلا: لو غايب عن البيت ايام.. بادخل" السلام عليكم" وخلاص كده.. مافيش وحشتوني ولا تعالوا احكيلكوا عملت ايه فالسفر
ابي: دايما عايزني اقوله "انت اجمد أب فالدنيا.. مفيش اب بيظبط عياله كده.. يـــــــــــــــاه يـــا دين النبي.. ده انت جامد بشكل" وكده
اختي: مش عايزاني اوصلك في اي حتة؟؟ لا قولي بجد عشان خاطري.. طب لو انا نمت وانتي عايزة تروحى مشوار حتى لو قريب صحيني عشان اوصلك
صحابي المطلوب مني اني ابقى معاهم 24 ساعة والا ابقى بملص منهم.. ولو قلتلهم مشغول يقولولي ماشي ياعم المهم
وانا شايف ان الشاب الرومانسي ده لازم يكون اسمه حمادة.. وعامل شعره سبايك وبيسمع اسامه منير وهو ماسك دبدوب
بصراحة بتتريق عليهم
انا دلوقتي بتقمص دور عبد الحليم حافظ فالبيت لما خنقتهم من التمثيل
لكن امي قالتلي : "استمر فالتمثيل.. يمكن يأثر عليك وتبقى تطلعه من قلبك" بس انتوا استحملوا الدور اللي انا شغال فيه دلوقتي
وهوة عبدالحليم حافظ اما بيحب... وما ادراك عندما يحب عبد الحليم حافظ
جلنف يعني نمرة .. او ترب.. او شنف .. او جلياط.. او..... يوووه
5 comments:
السلام عليكم ورحمة الله وبركاته
الظاهر انو كل الولاد زى بعض ولا ايه؟
انت عامل زى اخويا اللى ما بيكلمش غير لما اتحايل عليه
يعنى لو عاملة أكله جديده
أقولو ايه رأيك فيها 3 او 4 مرات علشان يرد الرد الجميل واللى هو كويس
او مثلا لو بيشوف ماتش وأقولو كام كام مثلا
يقولو اتفرجى وانتى تعرفى
دا ايه الملل دا
دا مافيش غيرى انا وهو فى البيت وبكلم فى روحى طول اليوم
يعنى يا أخ أدم هو لا كده ولا كده
يعنى ايه المانع لما تبوس ايد امك او ابوك وتقولهم صباح الخير
حتغنى عن اى كلام تانى
لو جاى من سفر وقولتلهم وحشتونى
بس حتغنى عن اى حاجه تانى
لو رحت لأختك وطبطبت عليها وقولتلها ازيك وياسلام لو معاها واحدة مصاصه يبقى تماااااام
يعنى بلاش تعود نفسك على الجفا
ومين بقه قال انو الرومانسية هى دباديب وأسامة منير ودلع
انا عمرى فى حياتى ما سمعت عم أسامة منير
الرومانسية هى مش أكتر من أحساس ومش فى كل وقت يعنى
ياريت بجد تعود نفسك انو تعبر عن اللى جواك نحية اللى بتحبهم علشان ما تتعودش على الجفا وفى نفس الوقت ما تمثلش يعنى(هو انت مش بتحب أهلك ولا ايه ؟؟؟)
لانو دى بجد أكتر حاجه ما بحبهاش فى أخويا
خدها نصيحة من أختك توكا
ههههههههههههههههههههههههههه
مش هتفرق مع اللي يعرفك
ب ممكن تزعل الغرب
بس انا بحب اتعامل بسجيتي حتى لو هبقى جلنف
تحياتي
توووكا
وعليكم السلام
طب كويس طمنتيني
ايه ده... ده زيي بالظبط
ممكن ابوس ايد امي... انما ابويا بتبقى تقيلة قوي عليا
!!مصاصة؟؟
الجفا؟؟ محدش يقدر يضربه
طلاما الحب ليهم فالقلب.. مش لازم حركات بقى
nonoymm
المشكلة انها مع الغرب برضه
والمشكلة انها بتفرق مع اللي عارفني
كويس ان كل واحد يتعامل بالطريقة اللي بيحبها
قُلْ بِفَضْلِ اللّهِ وَبِرَحْمَتِهِ فَبِذَلِكَ فَلْيَفْرَحُواْ هُوَ خَيْرٌ مِّمَّا يَجْمَعُونَ [يونس : 58]
بتوفيق من الله وفضل تم تحويل طلب الحملة التي تقودها المدونة بشأن سن قوانين للحد من التجديف على الإسلام خاصة والأديان عامة إلى المسئولين في هولندا
http://kawlansadida.blogspot.com/2008/04/blog-post_28.html
ساهم بتوقيعك في مطالبة الحكومة الهولندية بسن قوانين من شأنها حماية المسلمين من العبث بمقدساتهم الدينية خاصة ومن التجديف على الأديان عامة على الرابط التاليhttp://kawlansadida.blogspot.com/2008/04/blog-post_21.html
وجزاكم الله عن إسلامكم خيراً"
ههههههههههه اقولك ومتزعلش
بص انت مش موضوع صادق او التانيه انما انت بس قلب قوى مش حنين كتير
يعنى وده اختلاف البنت عن الولد
الحنيه بس والله ممكن تبقى حنين واسمع كلام ماما يمكن متحدفش طوب ما انت لسه حادفنى بوحده يا ساتر هههههههههه
Post a Comment