6.1.10

قالوا عنى غريب لأنى

"انت عليك حاجات غريبة "
جملة كثيرا ما قيلت لى

وكنت كتبت لاحقا :

(انا غريب !!؟ اذا انا عادي __ لأن الغريب هو انك تكون عادي)


وتسائل البعض عن معناها .. !!

كل ما أقصده هنا ان الاسلام طلب منك ان تكون غير عادى .. مش مجرد انسان تاكل وتشرب وتنام
لان دى صفات مخلوقات اخرى
فشئ غريب على الاسلام ان الواحد يكون عادى

لماذا قالوا عنى انى غريب؟

قالوا عنى غريب لأنى

برغم استماعى الى
Outladnish , sami yusuf
الا انى لا استمع ولا احب سماع اغانى اليسا او عمرو دياب او تامر حسنى

-------

قالوا عنى غريب لأنى

فى مشكلة الجزائر الاخيرة .. قلت ان دى لعبة من الاعلام لالهاء الناس عن بلاوى الحكومة وفشلها فى التعامل مع انفلونزا الخنازير
و ليظهر اولاد مبارك فى دور الوطنيين الرجالة
مع ان مباريات الاهلى والاسماعيلي ملياانة شغب .. ولكن الاعلام بيرصد ما يريد

ولانى تعجبت من اللى هيشجع امريكا وانجلترا اللى احتلوا العراق .. ضد الجزائر المسلمة !!
------------------

قالوا عنى غريب لأنى

رافض انى اتصاحب على واحدة .. ونكون اصدقاء
ولو صداقة بريئة
لانى مؤمن انها ممكن تسلب من عواطفى ولو القليل

----------------
قالوا عنى غريب لأنى

فضلت انتمائي للاسلام .. على انتمائى لمصر
بمعنى ان لو مصر قالت نجوع غزة بحجة الامن القومى على حساب الاسلام
اذا ارفض القرار المصري.
ولانى قلت يا سلام ولو يكون هناك فتح اسلامى جديد لمصر

-----------
قالوا عنى غريب
فطوبى للغرباء

Kun Min

5 comments:

الراقـــص مع الذئـــــاب said...

السلام عليكم
ازيك يا صديقي

انا معاك في انك غريب في :
مشكلة الجزائر الاخيرة
فضلت انتمائك للاسلام .. على انتمائك لمصر
بس سماع الاغاني مهما كانت من سامي يوسف او غيره مش غربة..انك بتسمع اغاني
إنما الغربة في تركك المعازف وإن كانت مثل ما يقال بواسطة سامي يوسف او غيره
انك متصاحبش بنت خوفاً من ان تسلب عواطفك ليس الغربة
إنما الغربة هو خوفك من الله عز وجل

دمت في خير اخي الكريم

Anonymous said...

السلام عليكم ورحمة الله وبركاته
اهلا اهلا
عندك حق سعات كتير الواحد بيحس نفسو غريب من المحيطيين بيه بس صدقنى لو بصيت للرسول والصحابة اللى مفروض يكونو قدوتنا حنلاقى نفسنا مقصرين وحنلاقى حاجه بتشجعنا انو نتمسك باللى احنا فيه ونطوره كمان

بص فى كتاب عظيـــــيم جدا اسمو
(لا تحزن لد/عائض القرنى ) ياريت بجد تقرأه

حتستريح نفسيا وحيديك دفعه للامام

المهم ياحضرت الغريب تثبت وتحاول تكون احسن كمان
هى الجنه ببلاش؟؟؟؟

يلا شد حيلك

سلام
أختك توكا

Anonymous said...

مبروك على التخرج يا أحمد
توكا

Anonymous said...

مصر فى مهب الريح

فى خلال الثلاثين عاما الماضية تعرضت مصر الى حملة منظمة لنشر ثقافة الهزيمة بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 – العدالة الاجتماعية .. وأطفال الشوارع والذين يملكون كل شىء .
5 – ضرورة الاتحاد مع السودان لتوفير الغذاء وحماية الأمن القومى المصرى.
6 – رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.

لمزيد من التفاصيل أذهب إلى مقالات ثقافة الهزيمة بالرابط التالى www.ouregypt.us

Vague said...

ياااااااااه .. دا انا كنت قربت انسى البلوج دا خالص في ظل هيمنة الفايس بوك
:)

الله يبارك فيكى يا توكا